Shillong: Ha ka miet sngi Saitjain, ki nongniah kali ha ka nongbah Shillong kiba mlien ban dih kyiad, pynsawa wung weng, bad kiba khlem biang ki kot ki sla, kila kem tieng kynsan har, hadien ba ki pulit kila pyllong ia ka jingtalasi kynsan.
Kiba tah ïit iong, kiba iaid khyllew, kiba modify ia ki kali, ia ki ar shaka kila shah bat bad ai jingsneng ia ki pulit ryngkat ka kuna.
Kane ka sienjam kaba la shim ki pulit, ka long ban wanrah ia ka jinglong tipsngi ne discipline jong ki nongniah kali, da kaba bud ryntih ia ki kyndon niah kali khnang ban lait kano kano ka jingma ia ki bad kumjuh ia ki briew kiba leit kiba wan.
Ia ka jingtalasi la pyllong ha thain Kashari, IGP, Dhankheti bad ha kiwei kiwei ki jaka. Ha kane ka jingtalasi, ki pulit kila dain kuna nokot nokot ia kiba pynkhein ain kum kiba dih kyiad, buh jingsawa ne silencer, tar ia ki ïit iong.
Ia ka jingtalasi la ialam da u SP City u D Pandey (IPS) bad ka jingtalasi kan iai bteng ha kine ki sngi pyrshah ia kiba pynkhein ain.
Dain kuna nokot ki pulit|Kyndit ki nongniah kali buaid, pynsawa wung weng, tah ïit iong
