Shillong: Ha ka jingleit kjat sha ka lynti kulai u David Scott, la iaid lyngba ruh ia kawei ka jaka, kaba bna nam bha katkum ka khana hyndai, kaba don u mawnguid briew.
Kane ka jaka kaba don u mawnguid briew ka don hajan bad ka lynti kulai u David Scott kaba hap ha ka thain ka shnong Mawbeh bad Pyrda.
Ym tang u mawnguid briew, hynrei ha syndah jong u, la synrang lang ruh bun ki mawbah kiba heh bad I khain bha ka jingheh bad jingjrong bad mar pyrshah jong u Mawnguid briew shaphang shatei, u don u mawhati.
Hynrei kaba kham pher shuh ka long ba mar pyrshah u mawnguid briew shaphang mihngi, u dei u maw pei thliew ba ki khot ki briew ha katei ka thain.
Nalor kine ki maw kiba don ka puriskam, katei ka thain Mawbeh, Pyrda ka don ruh ki wah, ki lum bad ki maw kiba la pynwandur ka mariang kiban khring ia ki briew khamtam ban kyntiew ia ka kam jngohkai.
Katba dang ia bam ja pynngad ha katei ka jaka hajan ka jingkieng maw shtah u David Scott hajan u mawnguid briew, la ioh ban iakren iakhana bad ki briew ka shnong Mawbeh, kiba iasam ia ka khana une u mawnguid briew.
Katkum ka khana, une u maw uba heh kynjreng, u nguid ia ka khynnah hyndai katba ka kmie ka dang trei lyngkha. Ka puriskam ka ong ba katba ar ngut ki khun ki dang ap ba rep lyngkha ka kmie, kawei ka la shah nguid ha une u maw bad katba ka hymmen ka dang khot ia ka kmie ban wan iarap ba la shah nguid ka para, ka kmie pat ha ka jingbunkam ka ong to shi to namar ba kwah ban pyndep ia ka jingrep lyngkha hynrei ynda la dier ka por, ka la leit bad ka la iohi sa tang ia ka kti jong kata khun katba ka met ka la shah nguid lut bad kam lah leh eiei shuh sa tang ban shu iam paitdohnud. Na kane ka daw, ki briew ki khot u mawnguid briew.
Kawei pat ka khajna jong u mawnguid ka long ba u dei uba kham long shynrang bha bad satar ha kaba ula kiew jingdom ir na ka jingshah kren ha kita ki paralok halor kawei k jingjia, kaba la pyllong ia u ban siat syndon dain ia uwei pat u maw uba don sha shiliang shaphang mihngi, kaba jrang da ki spah metre haduh ba un da pei thliew rynghun kumba ksam ksing ngap.
Nalor ba nguid ia ka briew, u siat ruh namar ba shah pyndom haduh ban pei thliew rynghung kum ka ksing ngap
