Babu Kular Khongjirem.
Myntra,mih sa kawei ka mat(issues) kaba eh bha bad kata kalong,la ka sorkar ka nud ne em ban pynduh pyndam(srapped) ia ka jingiateh soskular bad ka Indian Hotels Company Limited ban shna ia ka Taj Resort & Spa ha ka Dewlynnong Lumpongdeng kaba don hapdeng ka pung Umiam ne pung Damsite.
Hadien ba la mih ka jingiakhih shah thngan(indefinite hunger strike) ba la pynlong da ka Green-Teech Foundation (GTF) pyrshah ia katei ka kam thmu lilam ka sorkar MDA I &II sha ka Company kaba nabar jylla, ka la mih ka jingpynshai na ka sorkar lyngba u Chief Minister bad Deputy Chief Minister(Khasi Hills) jong ka Meghalaya ban pynksan jubor ban pynngeit ne pynbiej ia ki paidbah ba bun.Ha kaba nyngkong u Chief Minister u pynshai ba katei ka Taj Resort ha Lumpongdeng kalong tang ka jingtei shipor(temporary structure).Kata ka jingtei shipor kan long pat haduh 50/60 snem.Hadien ba la pynshai bad pynphai nia kylla(re-act) da ka GTF, lyngba ki sakhi da ki kot ki dulir lyngba ka RTI, u Chief Minister u la sdang ban kylla ktien pat.Tang hadien shi sngi ba u la pynshai ban shna bad tei Resort shipor(temporary structure) ha Lumpongdeng, u la kylla ktien noh ba ka sorkar kam don jingthmu ban tei Resort ha Lumpongdeng hynrei la pynkynriah noh sha ka jaka ba don ka Orchid Umiam.Ha Lumpongdeng yn shu shna dara tang ban ioh leh byrngia(recreation) da ki Tourist.Kumno u Chief Minister u ai jingpynshai(give statement) shi sngi da kawei ka jingkren(statement) bad sa shi sngi pat da kawei pat ka jingpynshai(another different statement).Don aiu ha lyndet jong kane ka jingpyrshang tap eitmiaw bad pynksan jubor kine ki nongialam kane ka sorkar MDA.
Ban ai wai shipor sha ki Company kiba shabar bad khlem burom shuh ia ka Meghalaya Land Transfer Act,1972 kam dei satia ka kam kai ne ka kam kaba malu mala. Ka lah ban don ka jingiasngewthuh jongmut sop sop bad kine ki nongialam bad kane ki Company.Phim lah ruh ban ong ba,lehse,ka company ka la ioh ban ai bhah( shares) lem sha ki ba ki la pynioh ia katei ka jaka.Lada ki la kum shim shisha ia kata ka bhah sop sop( illegal shares) na ka Company,lada kin pyndam bad pynkut noh,ki dei ban pynphai noh(return/refund noh) ia ka share jongki lada ki kum pdiang na katei ka Company.Ban pynphai ia kaba lah ioh,ka shait eh bha,wat tang shu hajar ne ar hajar ruh.Lada da ki klur lei,kata, sa tang ban shu pyn-eh ia iap ia im beit triang bad pynksan jubor justi katba jia katba long.Phim lah ban ong,lehse,kane kadei kawei na ka daw ba kine ki nongialam sorkar jongngi kim da salia(adamant) than ban shimkhia ia katei ka jingshah thngan(hunger strike) jong u President jong ka GTF wat la u la tlot palat myntra .
Hynrei,namar ba kine ki nongsynshar ki dei ki nongialam ba la jied da u paidbah(elected Rulers),kumta ki dei ban don ka jingkitkhlieh ban pyndem ha ka sur jong ki paidbah lada ki paidbah ki ia tylli shisha, lym kumta,maki bad ka party jongki kin sa shah ktah jur ym tang ha ka Bye MP Elekshon kaban sa long shen na 1-Shillong Parliamentary Constituency hynrei kamtam eh ha ka general MLA Elekshon kaban sa long ha u snem 2028.
Balei ka sorkar MDA kam nud pyndam ia ka soskular ban shna Taj Resort &, Spa ha Lumpongdeng?
