30 snem shah rai set phatok u kpa ba leh kam sang ia la ka khun

Shillong: Ka Kashari POCSO jong ka nongbishar MK Lyngdoh ka la rai set along 30 snem ia u kpa uba la leh kam sang ia la khun jongu.
Ha ka kyrwoh u SP ka East Khasi Hills bah Vivek Syiem ula ong ba ha ka 6 tarik Nohprah 2013, ki pulit kila ioh ejehar ha Mawsynram Police Station pyrshah ia u Plen Mawlong ba ula leh kam sang ia la khun kaba dang rit.
Ha ka jingtohkit, ki pulit ki la kem ia une u briew bad la set along ha ka jingbishar ka kashari POCSO bad mynta ka sngi, ka nongbishar kala rai pynrem syndon ia une u runar da kaba set along 30 snem kynthih.
Ia kane ka kam la tohkit da ka BM Marak kaba don ha ka Crime Branch ki pulit ka East Khasi Hills.