Shillong: Mynta ka sngi ka 4 tarik Nailur 2025, u myntri rangbah ka jylla u Conrad K Sangma ula iakynduh ia u myntri ka tnad kam pohïing ka ri u Amit Shah ha New Delhi.
Ha kane ka jingkynduh, u Conrad ula pynsngew ha u Amit Shah ban pyniakhlad noh la kajong ia ka Meghalaya na ka Assam ne ka joint cadre ia ka All-India Services kaba kynthup kum ka Indian Administrative Service (IAS) lane Indian Police Service (IPS) ha kaba ka jylla kam donkam shuh ban iasam lang bad ka Assam hynrei ka dei ban don ka bhah lajong ia ki ophisar.
Ula iakren ruh ia ka jingdonkam ban pynrung ia ka ktien Khasi bad Garo ha ka 8th Schedule ka riti synshar ka ri.
Ha kajuh ka por, u myntri rangbah ula pynsngew ha u Amit Shah ban pyntreikam noh ia ka Inner Line Permit (ILP) ha Meghalaya bad kawei pat ka long ban ai kyrteng ia ka surok ha New Delhi ha ka kyrteng u PA Sangma.
Ai noh ia ka ILP, ktien Khasi & Garo, pyniakhlad noh ia ka Cadre na ka Assam, ong u Conrad ha u Amit Shah
