Shillong: Mynta ka sngi, ki nongialam ka Seng Samla Mawlai Pyllun bad ki ophisar ka tnad PHE kila leit bud ia ka lynti ba pyniaid ia ki pipe um naduh Assembly na Khyndai Lad sha Polo shaduh khlaw Mawlai Mawroh.
Kane ka jingleit bud jongki ka long ban peit ia ki pipe kiba pyniaid um namar ba ym ju poi thikna ka um sha thaiñ Mawlai.
Kane ka jingjurip ka long namar ka jingduna ban mih um sorkari ha ki thliew iing ha shnong Mawlai khamtam ha ki bnai tyrkhong um namar kam ju mih thikna ka um sorkari.
Watla mynta kala kham biang namar la ioh um sorkari ka mih 3 sien shitaiew ym kum mynshwa ba ka mih 1 sien shitaiew ne artaiaw.
Ha ka jingshisha, ki nong Mawlai ki siew bai um sha ka tnad pyniaid um kumba ju siew kiwei ki dong ki shnong hynrei ha Mawlai ka duna ban mih um kumba mih kiwei ki shnong.
U General Secretary ka Seng Samla Mawlai Pyllun u Edwigh Eddie Majaw ula kyrpad ia u MLA ka Mawlai ban shimkhia ban tukla lem halor ka jingkyrduh um ka shong Mawlai bad na ka liang ka Seng Samla kala phh ka shithi sha u MLA halor kane.
Ka SSMP kam shong thait ban buddien halor kane bad kan ialah ban pyntikna ba ka shong Mawlai kan pahuh um kumba pahuh kiwei ki shong ha Khapsor.
Leit bud ka seng samla mawlai bad ka PHE ia ki pipe um shaduh khlaw Mawroh
