Shillong: Naduh mynta ka sngi, ki kali kiba ieng ha ki jaka ieng hapoh ka shnong Mission Compound bad ka Nongrim Hills kin hap siew ka bai pynieng kali ban leh da ka kor electronic ticketing machines (ETM).
Kane ka dei katkum ka Urban Parking Policy kaba la pyntreikam da ka tnad Urban Affairs Department ha ka nongbah Shillong.
Katkum ka jingpynbna na ka Directorate of Urban Affairs, Shillong, kane ka rukom pyntreikam thymmai ban khrong bai ieng kali kan treikam naduh 4 tarik mynta u Nailur, bad ka jingthmu ka long ban pynbeit ia ka rukom ieng kali kaba ryntih ha ki jaka iew, jaka paidbah bad ha kiwei ki jaka.
Ka tnad Urban Affairs Department kala bthah ia ka Shillong Municipal Board, kumjuh ia ki Majistor bad ki pulit ban leh ia kaba donkam na ka bynta ban pyniaid beit ia kane ka kam. Ha kajuh ka por, la bthah ruh ia u Rangbah Shnong ka Mission Compound bad ka Nongrim Hills ba kin buh ia ki volunteer ban iarap halor kane.
Sdang khrong bai ieng kali 2 tylli ki shnong ha Sor
