Shillong: Ki pulit ka Jowai kila ioh kem 3 ngut ki khynnah samla ha kaba kynnoh ba ki dei ki snar nongtuh ar shaka kiba ju donkti ban tuh na kylleng ki jaka.
Ia kine la kem hynnin ka miet 21 tarik Nailar 2025 katba ki dang iaid sahuh ha Jowai da ka kali Alto khlem number ban leit tuh iaki ar shaka.
Kine kiba shah kem ki kynthup ia u Jopparson Rabon 24 snem na Thangrain, u Meshanki Langstang 22 snem na Thangrain bad u Paulme Sungoh 21 snem na Nongbah Iawmusiang, Jowai.
Ki pulit kila ioh kurup ruh 3 tylli ki ar shaka kiba kila tuh na kawei ka jaka ba ki buhrieh hajan Demthring, Jowai.
Ki ar shaka kiba la ioh kurup ki long ML05V 4471, ML05Y 5008 bad ML05AC 0799.
Kine kila phla ba kila ju tuh ia ki ar shaka na kylleng kynthup ha sor Shillong kum na Jhalupara, bad Laban.
Na Jowai, ioh kem ki pulit ia ki snar nongtuh ar shaka ka Shillong
