Shillong: Ka National Tobacco Control Programme (NTCP) ha ka 21 tarik Nailar 2025 ka la pyllong ia ka jingrakhe ia ka Tobacco Free Meghalaya ban pyllait ia ka jylla Meghalaya na ka jingbam jingdih Duma.
U DSP u bah I. Diengdoh ha ka prokram, ula ong ba ka long kaba donkam ban don ia kum kine ki prokram khang ban pynsaphriang ban pynshai paidbah ym tang ia ka jingktah ne ka jingma kaba mih haba pyndonkam ia ki Duma hynrei donkam ban tip ruh ia ka ain Cigarettes and Other Tobacco Products Act, (COTPA), 2003.
Ula ong ba long kaba donkam bha ban pynshai paidbah halor ka jingsniew jong u duma namar bun ki samla mynta ki sdang shwa na ka jingdih duma bad kin sa ngop sa sha kiwei pat ki jingdih ba sniew kum u kynja bad u drok.
Haba kren halor ka ain COTPA, u DSP ula ong ba donkam ban pyntreikam ia ka ain COTPA namar hapoh kane ka ain ka don ia ka kyndon ha ka Section 6(B) kaba la kren halor ki briew ki trai dukan kiba die ia ki Duma hapoh 100 yard ka jingjngai na ki jaka pule, ki shah dain kuna T.200.
Ula ong ba katkum kane ka kyndon 6 (B), kino kino kiba die ne dih duma hapoh 100 yard ka jingjngai na ki jaka pule, ki shah dain kuna T.200 tangba ka dei jingdain kuna kaba duna eh bad la donkam ban wanrah ka jingpynkylla ia kane ka ain.
Ha kane ka sngi la pynkup ruh ia ki khynnah skul ki samla pule, ki Block na kylleng ki jaka ka jylla.
Ka kuna dih die sikret tang T. 200 : Ki sdang na u duma, poi sa sha u drok
