Shillong: Ka Government L.P School ha Mawphru Mathan, Ri-Bhoi district kam I dei satia ban ong ba ka dei ka ïing namar ka jinglong jingman jongka. Kane ka ïing skul ka la jot rathai bad la shu ker da ki tyrpait ki siej. La seng ia kane ka skul naduh u snem 1964 ha ka por ba ka jylla Meghalaya kam pat kha satia na ka Assam.
Ka MDC Nongpoh ka Kong Rona Khymdeit ka la lap ia kane ka jingsangsot ia kane ka skul da la kijong ki khmat ha ka por ba ka leit na ka jingshah khot kum ka kongsan ha ka prokram ha katei ka shnong ban rakhe ia ka taiew lehkmen ki kynthei ne Women Week ka Jingiaseng Kynthei Balang Presbyterian Mawphru.
U Rangbah shnong u bah Devidian Mangu, bad u Bah Sbun Damlong, President ka Managing Committee jong katei ka skul, ki la kyrpad ia ka MDC, ba kan iakren sha ki bor ba kham shalor ka sorkar, khnang ban pynbha ia kane ka skul, kaba ai ka jingshakri bad sain dur ia kiba bun bah ki khynnah ka shnong bad ki Marjan.
Ka ïing skul ha Mawphru Mathan kum ka ïing sah khlaw da ki tyrpait
