Shillong: Ka tamasa iakop khwai dohkha kam dei ba ka shu pynbrai ia ki rawon bad ka pynkmen ia kito kiba ioh khusnam hynrei ka ai jingmyntoi ruh ia kiwei.
Ha ka jingiakop khwai dang shen ha Mawlangren, kaba hap ha Eastern West Khasi Hills, la sakhi ba ki briew naduh Jaintia Hills kila wan khnang ban die ia ki niang ryndia na ka bynta ki nongkhwai ne ki rawon.
Ha ka jingiakren bad kine ki longkmie na Jaintia Hills, kila iathuh ba man ba don ka tamasa iakop khwai kylleng ki jaka, ki ju leit ban die ia ki khniang ryndia namar ba ki rawon ki iakyrniom bha ban thied ban khwai dohkha.
Ym tang ban khwai ia ki dohkha hynrei ki briew ki thied ruh ban bam namar ba u shngiam bha bad khlein ban bam. Kane ka la wanrah ka jingmyntoi ia ki ban ioh kamai na kane ka jingdonkam ka tamasa khwai dohkha.
Ka dor jong une u niang ryndia ka shong dor 50 tyngka na ka bynta 10 tylli kaba long uwei u shong dor 10 tyngka.
Kine ki longkmie ki ju wanrah kumba 3-4 kilo ha kawei ka tamasa iakop khwai bad shi kilo ka dor ka long kumba 500 tyngka eiei.
Naduh Jaintia Hills sha Eastern West, ai jingmyntoi ka jingiakop khwai dohkha
