Ha kawei ka district kaba khot ka Shahdol district ha Madhya Pradesh, ka la don ka jingjia kaba khih por shiteng miet ka sngi balang, kaba la wanrah ka jinglyngngoh ngain ia ki briew katei ka thain bad ia ki nongpeit ha Social Media.
Ka iaid ka ieng ki kali ha ka surok Gohparu–Jaitpur ka la sangeh sbak da ki kynta hadien ba ka dngiem ka la ap ia la I khun jongka, iba la mynsaw hapdeng surok na ka jingshah syllad ha ka kali. Kane ka khun dngiem ka dang jam sha shiliang surok lem bad 2 tylli kiwei pat ryngkat ka kmie haba ka la shah syllad ha ka kali. Ka kmie katei ka khun, ka la dang kyntur suki suki ia katei ka khun ba la mynsaw kum ka jingpyrshang ba kan pynlait ia ka na ka jingma, katba kawei ka khun ka dang shong ha lyngkdong jongka bad kawei pat ka ap kham na jngai.
Ki briew ka tnad khlaw kila ong ba u nongniah kali uba syllad ia kane ka khun dngiem ym shym la ithuh satia. Ka kynhun ki briew ka tnad Forest na Jaitpur bad na Gohparu kila wan poi sha katei ka jaka ban iarap ia katei ka kmie dngiem bad ki khun jongka sha khlaw. Ia kane ka khun kaba mynsaw la rah ban sumar hynrei ka khlad noh hadien katto katne kynta ha ka sngi Palei.
Ka video kaba la ioh ring ia ka kmie dngiem kaba pyrshang ban sumar ia ka khun ka la saphriang sted ha social media, kaba la pyllong ruh ia ki briew ban bitar jur ia kane ka jingjia, ha kaba ka jingpynpaw shem mynsiem bad sngew synei ia kane ka khun dngiem.
Sahkut kali da ki kynta ba ap ka kmie dngiem ia i khun ba mynsaw hapdeng surok
