SHILONG: U Deputy Commissioner ka Ri Bhoi u Arpit Uphadhyaya un sa phah ia ka kynhun ban tohkit ban khlieh da Majistor ka Ri Bhoi bad kumjuh na ki briew jong ka tnat Forest lyngba ka ophis u DFO Divisional Forest, halor ka jingkynrei ka jingtih maw tih shyiap beain ha ka thain Jorabat bad Khanapara.
U DC ula shim ia kane ka sien jam ka long hadien ba la ioh ia ka jingujor na ki paidbah ia ka jingtih pathar kaba kynrei ha katei ka thain kiba hap ha bynta ka Meghalaya.
U DC ka Ri Bhoi, u la iathuh ba ka la don ka jingujor na kiba bun balang halor kane ka kam tih khyndew bad pynmadan ia ki lum ki wah khlem ka jingtip ne ioh jingbit na ki bor pyniaid District, bad ka bor pyniaid District, ka la sdang ban tohkit ia kane ka kam beain da kaba thung ia u Majistor bad la thaw ruh ia kawei ka committee ban pynlong iaka jingtohkit.
Phah tohkit u DC Ri Bhoi ba kynrei ka jingtih maw pathar ha thain Jorabad, Khanapara
