NONGPOH: Ka long kaba sngewtynnad ban shem bad iohi ba katba nang mih ki sngi ki samla rah nar ki la bteng ba kin mih shakhmat kaba dang shen da ki spah ngut ki la poi tiap ban iashim bynta ha ka iakob jong ka power lifting kaba la tip ia ka kum ka ka 2nd state Classic power lifting championship.
Dei lyngba kane ka jingiakob ba juh ioh pat ia ka lad ba jied ia ki rang bad ki thei ialehkai ba tbit ka jylla ban iashim bynta ha ki rynsan bah ialehkai kiba ju long ha ka ri.
Mynta ka kynti ia kane ka jingiakob la lah ha kaban pynlong hapoh Auditorium ka shnong Umsning bad ki rukom pyniakhun ha kane ka jingiakob ka kynthup naduh ka squat, ka bench press bad ka death lift.
Na ka liang ki nongialam ka Meghalaya Power Lifting ba kynthup ia u Ricky Diengdoh bad Frankie Nongrum kiba dei President bad Secretary ka synjuk, kim lah ban khlem da pynpa wia ka khmat ba phuh samrkhie ka jong ki ban shem bad iohi ia ka jingsdang ban shim khia ki khun samla ha kane kawei pat ka jait jingialehkai kaba la sdang nyngkong ha u snem 2018.
Nalor katta kine arngut mynta ki phai lem ki khmat sha ka sorkar ba kan iarap lem ia ki ban pynbiang ia ki tiar ba donkiam kibalong kat kum ka juk kaba mynta, kaban iarap shi katdei ia ki samla ban lah ban nang pyntbit ne ban pynjanai ialade ha kane ka jingialehkai.
Ha kane ka kynti na ka liang ka Meghalaya Power Lifting ka pyntip ba ki nongwan iashim bynta ha kane ka jingiakob ba ioh ban bat ia ka kyrdan ba nyngkong ba-ar bad ba-lai kin ioh ia ka lad ban shah pyntbit naka bynta ban jied biang pat sa shisien ia ki ban ioh ban iashim bynta sha ka rynsan iakhun ba la tip kum ka Classic Power lifting kaban long ha ka jylla Rajasthan bad ka Bench press kaban sa long ha jylla Goa mynta hi u snem.
Nang mih ki samla ban iashim bynta ha ka Rah Nar Khia
