SHILLONG: U myntri ka tnad PHE ka jylla u Marcuise N Marak u la ong ba la buh thong ban pyndep noh mynta ka snem ia ka Greater Shillong Water Supply Scheme-III, hadien bun snem ba ka la sahteng, namar kiba bun ki daw.
Haba kren mynta ka sngi, u Marak u la ong ba ka jingtrei ka la iaid shaid shaid mynta bad la don ki bynta kiba la dep bad don kiba dang iaid. Ki don jingjyrwit bad kiwei kiwei ki tnad sorkar la pynbeit bad kumjuh ka jingkynduh jingeh bad ka Hima Mawphlang ruh la dep ban pynbeit bad ka jingsdang ban pom um kan sdang noh shen ha ka Phase-3.
U la ong ba ha ka Phase-3, ka jingpum ia ka um kan dei hi na kajuh ka pung Mawphlang.
Lah ban kdew ba ka Greater Shillong Water Supply Scheme-3 ka la sahteng la bun snem namar ki jyrwit jyrwat kiba mih hapdeng lynti. Kane ka skhim ka la buh thong ban bsa um sha baroh ki shnong kiba don hapoh sor bad khapsor.
Buh thong ka sorkar ban pyndep ia ka GSWSS-III mynta u snem
