SHILLONG: Ka Hynniewtrep Integrated Territorial Organisation (HITO) ka la dawa ban weng noh ia u post bording electric na dong pdeng shnong Mawryngkneng, halor ka nongrim ba u lah ban wanrah jingma ia ki nongshong shnong bad ki nong leit nongwan na katei ka dong.
Ka jingdawa jong ka HITO ka la mih hadien ba la ioh ka jingujor na bun tylli ki longïing katei ka dong namar, ha ki por ba la dep uwei u Heprit u la ngat ha ka jingmynsaw na ka jingdon ki post ha katei ka jaka.
U Bah Gary S Myrboh uba dei u President ka HITO Mawryngkneng u la iathuh ba bunsien ki nongshong shnong ki la ujor sha u rangbah dong bad sha ka ophis ka MeECL ha katei ka thaiñ, hynrei ym don ba pynsngap stia.
La iathuh ruh ba namar jong katei ka jingpynieng ia ki post bording ha katei ka jaka ka mih ruh ka jingmynsaw ia ki nongshong shnong, bad ki jingri ruh ki la bun ba ïap na ka jingshah tied ha ka Bording.
U la ong ba na ka liang ka seng ka la dawa ba dei ban pynkynriah noh ia utei u post bor ding electric sha ka jaka kaba kham pajih khnang ban lait na kino kino ki jingjia kiba sngewsih ha ka lawei.