SHILLONG: Ki pulit ka South Garo Hills kila ioh kurup haduh 340 tylli ki kuli siat liengsuin iapom bad 4 tylli ki synduk kiba ju pyndonkam ban thep tiar ialeh na kawei ka jaka kaba hap ha shnong Chibogre, hapoh ka Chokpot Police Station.
Ha ka 24 tarik Iaiong, 2024, ki pulit kila leit sha katei ka jaka ban pynshisha hadien ba kila ioh jingtip kaba bniah ia ka jingdon jong kine ki tiar ialeh, kiba la suba jur ba la buhrieh da ki kynhun kaikhlaw bad, mynta ka step, ha ka por 3 baje tam phyrngab kila lap shisha ia kine ki tiar na kawei ka khlaw.
Ka jingtohkit halor kane ka dang iaid ban lap ia kiba donkti, la ong ka khubor na u Superintendent of Police ka South Garo Hills.
300 tam ki kuli siat liengsuin iapom bad 4 synduk ioh kurup ki pulit
