MAWKYRWAT: Ka ophis u General Manager jong ka District Commerce & Industries Center (DCIC), South West Khasi Hills District mynta ka sngi ka la pynlong ïa ka prokram pynshai paidbah kaba shi sngi ha Community Hall, Mawkyrwat ha kaba u bah T. Lyngwa, IAS, Deputy Commissioner, South West Khasi Hills District u long kum u kongsan.
Ka jingthmu jong kane ka prokram ka long ban pyntip sha ki paidbah ïa ki skhim bapher bapher bad ki lad jingïarap na ka bynta ki paidbah bad ïa ki samla khnang ba kin mih shakhmat ban wad ïa ki lad ki lynti ba kin long ka jingmyntoi ïa ka lawei jong ki.
Ki nongkren ki long u bah M. War, General Manager jong ka DCIC, u bah Kitborsing Lyngdoh, President ka Seng Samla Shnong Mawkyrwat.
Ha kane ka sngi la ïoh ruh ban sam ïa ki tiar sha ki Master Craftsman kata ka kong Albina Jyrwa, ka Medaris Shylla, ka oksinoris Shylla, u Singleness Shangdiar, u Liberjune Shylla, ka Trilsy Shangdiar bad u A. Nongbsaw. Nangta sha ki Grand in Aid na bynta ki passout Trainees kata ka Milinda Wahlang, ka Sngurlin Lyngdoh, ka Shairailin Wartde, ka Darishisha L. Marshilong bad u Wanbokstar Wanniang.
Ki nongai jinghikai ne ki Resources Person ha kane ka sngi ki long u bah K.A. Kurbah, Assistant Manager jong ka MRB, u Rahul Singh, Branch Manager ka ICICI, ka Kong E.L. Nongkynrieh, Vice Principal jong ka ITI, u bah E. Khongrymmai, District Mission Manager na ka MSRLS, u bah S. Kurbah, Labor Inspector, u bah A. Malngian, Function Manager jong ka DCIC.
Ïa ka jingïalang la pynïaid da u bah R. Kharbithai, IPO, DCIC, South West Khasi Hills District, bad ka jingkren khublei na u bah G.G. Lyngdoh Mawphlang, FM, DCIC, South West Khasi Hills District.
Pynshai paidbah ka ophis DCIC, SWK ia ki skhim ban seng kam ki samla
