SHILLONG: Hynnin ka janmiet, ka la jan mih ka jingiakulmar ha thaiñ Motphran hadien ba la kynnoh, ba kumba 4-5 ngut kiba suba ba dei ki Punjabi kila iadih iabam khlem siew na dukan Saw Aiom, kaba don ha basa sohsaw, Iewduh.
La kynnoh ba kine ki briew hadien ba la dep bam dep dih, ha jaka ba kin siew kila kynroi pynban bad ha kane ka por la wan mih sa ka katto katne ka kynhun ban pyrshah ia kane ka jingleh kitei ban bam khlem siew, haduh ba la mih ka jingiakynroi.
Hadien kham shiphang, la wan sa kumba 50 ngut eiei hynrei donbok shwa ban mih ka jingkulmar, la wan kloi ki pulit ban tem ia ka jingiakynad.
Namar kane ka jingjia, ki bor pahar kila pynjur ha ka thain Motphran, Them Iewmawlong khnang ban khang lad ia kano kano ka jingjia.
Ha kawei ka liang, u trai ka dukan Saw Aiom bah Synshar Sohtun ula iathuh ba ka jingjia ka dei kaba rit, bad la dep pynbeit da ki pulit halor kane ka jingjia.
Iakynroi bym siew bai bam ha Saw Aiom, ka jingjia la dep pynbeit
