SHILLONG: U National Vice President ka National People’s Party (NPP), u Bah Prestone Tynsong u la pdiang sngewbha ia ka rai jong ki nongialam ka Bharatiya Janata Party (BJP) na Delhi ban kyrshan ia ki ar ngut ki kyrtong ka NPP kiba iakhun ia ka election sha Lok Sabha.
Haba kren mynta ka sngi, u Bah Prestone u la ong ba um poi pyrkhat ba ka BJP kan nym sei kyrtong bad kyrshan ia ka NPP.
U la ong ba kane ka rai jong ka BJP kan iarap bha ia ka kyrtong ka NPP na Shillong Parliamentary seat, namar ka BJP ha ki election MP ba la dep ka ju ioh kumba 1 lak duna eiei ki vote, bad mynta kine ki vote kin kylla noh sha ka NPP.