SHILLONG: Ha ka 7 tarik Lber, 2024 Ka Bank for Agriculture and Rural Development (NABARD) bad ka Northeast Institute of Professional Studies ki la rakhe ia ka International Day for Women’s da ka Exhibition Cum Sales Program kaba ar sngi haka theme: “Count Her In: Accelerating Gender Equality Through Economic Empowerment” ha Madan Tirot Sing, Mairang, Eastern West Khasi Hills District, Meghalaya.
Ha kane ka sngi u Dr. P Sahoo u la long kum u Kongsan bad ka Phila Nongkynrih ka symbud ba kongsan, Kong L Hynniewta, MCS, BDO, Mairang, Eastern West Khasi Hills District, Bah Michael Thongni, CEO, NeIPS, Mis. Rita Hajong, Smt. Kmoin Wahlang kum ka Special Guest bad kiwei de kiba dei
U Dr. P Sahoo, haba ai jingkren u la ai ka jingiaroh ia ka Northeast Institute of Professional Studies ia ka jingtrei shitom jong ka ban pynlong ia ki ba bun bah ki program ha kylleng nabynta ka jingmyntoi u Paidbah ka Jylla, u la ai jingiaroh ruh ia ki nongrep kiba laiarap ka NABARD ba ki la lah ban pyndonkam hok ia ki lad ba ki ioh lyngba jong ka bad mynta ki la lah ban long kita ki entrepreneurs (Shlem Sengkam lajong) kiba la kiew bad ki la long ruh ki nongpynkhlain ia ka ioh ka kot kaba long u bud lum ka jylla, u la ai ka jingkyrkhu kyrdoh bad u la ong ka NABARD kan don ryngkat bad ki ban ai jingkyrshan na ka por sha ka por.
Ki department ka sorkar kum ka Soild & Water Department kaba la pyn ia ka irrigation model, KVK bad ki information centre ba la pynieng da ka SBI bad ka MRB, Ha kane ka Exhibition ladon ruh shibun bah ki nongrep kiba dei na ki seng SHG, FPO kiba la kyrshan da ka NABARD bad kiwei ki seng shimet kiba la wanrah ia ki mar shna bad rep hi ban pyn I nam, bad die ha ka Exhibition ba la pynlong ha 2 sngi kynthih. Ka jingthmu jong kane ka Exhibition kadei ban rakhe ia International Women’s Day, ka long shibynta ban pynkup burom ia ki Nongrep kiba don ha kane ka thain lam mihngi.
La pynkut ia ka Program da ka jing ia iaid pyni nam thei Bhabriew ha ka sngi ba pynkut kum ka dak ban kyntiew ia ka sap ki samla kynthei ha ka liang ka fashion.
Rakhe sngi kynthei ka NABARD ha Mairang da ki tiar shna
