Yn duna pisa ka KHADC tang T. 4 lak ha u snem 2024-25

SHILLONG: Ka Khasi Hills Autonomous District Council-KHADC kan duna pisa tang T. 433,410 na bynta u snem 2024-25.
Ia kane ka mang tyngka la wanrah u Chief Executive Member u bah Pyniaid Sing Syiem hapoh ka ing dorbar mynta ka sngi.
Haba wanrah ia ka mang tyngka, u bah Pyniaid uba peit ia ka tnad pla tyngka ka Council, ula ong ba ka jingioh pisa ha u snem 2024-25 kan long T. 329,02,67,300 (Laispah arphew khyndai klur ar lak hynriew phew hynniew hajar lai spah tyngka), katba ka jingpynlut kan long T. 329,07,00,710 ( lai spah arphew khyndai klur hynniew lak hynniew spah shiphew).
U CEM ula maitphang ia ki tnad kiban wanrah ia ka khajna ia ka Council naduh ka khajna na ka khyndew ka shyiap, na khlaw, na kashari, ka iew, na ka kam khaii oateng bad kiwei.
U la ong ba ka Executive Committee kan ym shongthait ban wad ia ki lad ki lynti ban nang kyntiew ia ka ioh ka kot jong ka Council, ban pynbha ia ka rukom treikam bad ban peit bniah ia ki jingpyllut ba kan long kaba adkar.