SHILLONG: Ki pulit ka East Khasi Hills, kila kem ia 2 ngut ki briew kiba suba donkti ha ka jingpynbthei ia u bomb IED (Improvised Explosive Device) ha Them Iewmawlong ha ka miet sngi Saitjain.
U Superintendent of Police ka East Khasi Hills Rituraj Ravi, u pyntip ba ia kine ki arngut la kem ha ka miet Sngi U Blei.
Kine ki arngut ki kyrteng u Ebakordor Nongpluh ba 26 snem, uba dei na West Jaintia Hills lem bad u Bah Tarson Lymba ba 58 snem uba dei na West Jaintia Hills.
U iathuh ba ia u Ebakordor la kem na Shillong katba ia u Tarson Lymba la kem na Dawki. U Bah Tarson Lymba u dei u Nongialam ka seng Hynniewtrep National Youth Front (HNYF) uba bat ia ka kam Disciplinary Secretary ka Seng.
Shah kem 2 ngut halor ka jingbthei bom IED ha Them Iewmawlong
