SHILLONG: U Chief Executive Member ka KHADC u bah Pyniaid sing Syiem u la ong ka Council kan leit ban khynra ia ka iew thymmai kaba shna ki bym dei Khasi dang shen ha thain Ichamati.
Haba kren mynta ka sngi, u la ong ba ka jingshna iew ki briew bym dei trai muluk khlem ka jingbit na ka bor ba dei peit kum na ka shnong, ka Hima, ka Raid bad kumjuh na ka Council, yn ym lah ban pdiang. U la ong ba ka Council kan sa ai da ka jingthoh ba tyngeh ia ki Syiem ki Nongsynshar ba kim dei ban shongkli kti.
U la ong ba ka Council ka ioh khubor ba ki don ki kynhun kiba shu wan buhai shnong beain ki la sdang ban seng iew ha kawei ka jaka, bad shen ka council kan sa leit ban kyndang ia kane ka iew namar ba kila iaid lait ia ka kyndon ain jong ka KHADC.
Yn leit kyndang ka KHADC ia ka iew ba dang shna ki bym dei Khasi ha thain Ichamati
