SHILLONG: Ka Meghalaya Administrative Training Institute (MATI), Shillong bad ka District Disaster Management Authority, East Khasi Hills District, ka la pyllong ia ka jingpyni rukom kumno ban iarap ia kiba kynduh ia ka jingjia ka mariang, ha krem pubon ha Mawmluh, Sohra ha ka 9 tarik Lber 2024.
Ia kane la ai jinghikai ki dkhot ka Meghalaya Adventurers Association kiba ioh ia ka jinghikai pyntbit na United Kingdom. Shwa ban pyllong ia ka jingpyni rukom, la pyllong shwa ia ka jingbatai ktien ha DRDA Hall, Shillong ha kaba la ioh ia ka jingbatai na ka Meghalaya Adventurers Association (MAA) shaphang kumno ban leh ban pyllait im ia ki briew ba iakynduh ia ka jingjia ka bor mariang.
Ha ka prokram, la iashim bynta ki briew na ka DDMA, MATI, SDO (Civil) Sohra lem bad ki pulit, kumjuh na ka Fire & Emergency Services, State Disaster Response Force (SDRF), MPRO, ka kynhun nongsumar, Meghalaya Adventurers Association, Meghalaya Sport Climbing and Mountaineering Association, nalor ki voluntiar ka shnong.
Hikai ban iarap haba khie ka bor mariang ha krem pubon
