SHILLONG: U Superintendent of Police ka East Khasi Hills u Rituraj Ravi ha ka 10 tarik Lber 2024, ula pynbna paidbah iar ban ai khusnam T. 1 lak ia kino kino kiba lah ban ai jingtip ia kiba donkti ban pynbthei bom Improvised Explosive Device -IED ha jaka ieng ki bos ha Them Iewmawlong ha ka miet sngi Saitjain.
Ha kane ka jingbthei bom, uwei u briew ula mynsaw jur na ka jingbthei u bom.
Ha ka jingpynbna, u Rituraj ula ong ba kane ka jingleh ka long ka jingialeh pyrshah ia ka bor ka sorkar bad kin hap ha ka ain Unlawful Activities (Prevention) Act bad ka Explosive Substances Act.
Halor kane, u SP ula ong ba kito kiba lah ban ai jingtip, yn buhrieh ia ki kyrteng jongki, bad yn ai khusnam pisa T. 1 lak.
U SP u la ong ba ka jingbthei bom IED ki long kum ka rukom bthei jong utei u bomb IED kaba iasyriem bad ki jingbthei bomb kiba la jia kham mynshwa kiba la kam ka seng Hynniewtrep National Liberation Council (HNLC).
U la ong ba watla ka jingbthei ka iasyriem bha bad ki jingbthei ba la kam da ka HNLC, hynrei haduh mynta ym pat don kiba kam lane kiba shim jingkitkhlieh halor katei ka jingjia ha ka miet jong ka sngi Saitjaiñ.
Katkum katei ka kyrwoh na u heh pulit la iathuh ruh ba ia u IED la thep ha kawei ka kynja synduk tin bad la suba ba la pyndonkam da ki Galetin Stick, bad namar katei ka jingbthei ka la wanrah ka jingjulor ia kawei ka ïing tin ba la shu ieh ïing jah bad ki ïit jong katto katne tylli ki ïing kiba don marjan ha katei ka jaka.
T.1 lak tyrwa khusnam ki pulit ia kiba ai jingtip halor ka jingbthei bom ha Them Iewmawlong
