SHILLONG: Ka Khasi Students’ Union Mawlai Mawïongrim Unit ha ka 6 tarik Lber 2024 ka la ioh ban plie pyrda ia ka Maitshaphrang Fitness Centre hapoh ka shnong Mawïongrim.
Ha kane ka sngi, la ioh ruh ban pynskhem ia ki nongkitkam ba thymmai katei ka Unit na ka bynta ka samoi treikam 2024-2027 ha kane ka juh ka sngi .
Ha kane ka Nohphaisngi la plie paidbah da u Samla Donald V Thabah, General Secretary ka KSU Central Executive Council uba long ruh kum u Kongsan ha kane ka sngi ha ryngkat ka jingiadon lang u Vice President ka seng u samla Biangbor L.Paliar, u Sports secretary ka seng u samla Eric Nongkynrih, u samla Donboklang Sawkmie Assistant General secretary ka Mawlai Circle bad u Assistant finance Secretary ka Mawlai circle U samla Robert khongsit u ba la long kum u Shongknor ha katei ka program.
Hadien ba la dep ban plie ia kane ka Fitness Centre la ioh ban pynskhem ia ki dkhot ba thymmai ka Mawïongrim Unit. Haba ai jingkren na u General Secretary ka seng u Samla Donald V Thabah u la kren shaphang ka jingiohrung ki Mynder lyngba ka shongkha shongman bad ka jingleh benami ki trai ri trai muluk kaba pyniohlad ban buhai shnong bad ban leh business ha ka jylla ka Jong ngi, u la ban ruh ia ka jinkynrei stet u drug ha man ki kyndong kynshrot ha ki jaka ba don tang para khasi bad ka lah ban dei ka jingleh jongno re kiba kwah ban pynngop ia ki Samla khasi ha une u jingdih ba shyrkhei khnang ba ki samla khasi kin troiñ ha baroh ki liang. u la kyntu ruh ia ka Mawïongrim Unit ba kidei ban peitngor bha ia ka iaid ka ieng ki Mynder kiba ju iaid manla ka khyllipmat na ka surok bah kiba ym lah ban tip ioh kidei kiba wan leh ki kam sniew laiphewjait ban pynsniew dur ia ka imlang ka sahlang ha kane ka Jylla ka Jong ngi.
Ia kane ka kyrwoh la pyllait da u samla Gary Mawlieh u Publicity Secretary ka KSU Mawlai Circle.
Plie pyrda ka KSU Mawïongrim Unit ia ka Maitshaphrang Gym Fitness centre
