SHILLONG: U myntri rangbah ka jylla u Conrad K Sangma ha ka 6 tarik Lber 2024, u la ong ba ka jingthmu ka sorkar ban tei pynthymmai ia ka Soso Tham Auditorium kaba pura, ka la pulom noh ha kito ki snem namar ba wan u Covid-19.
Ia kane u la kren ha ka jingplie ia u maw nongrim ban tei thymmai ia ka State Central Library complex, Shillong ha ka jingialang ha U Soso Tham Auditorium, Shillong ba la don lang u myntri ka tnad Lariti u bah Paul Lyngdoh.
U Myntri Rangbah u la ong ba watla katta, ka sorkar ka la lah ban pynbha ia ka Auditorium kaba la sah ha ka jinglong rim la slem.
U la ong ba hapoh ka skhim CM Elevate, ka sorkar ka la buh thong ban tei 30 tylli ki iing peit phlim ha ka jylla ban kyntiew ia ki sap bad ki ktien jong ka jylla khamtam ia ki nongshna phlim na kane ka jaka.
Shwa ia kane, u bah Paul ula pynbna ba ka National Library Board kaba la bei pisa T. 2.33 ban pynbha bad pynthymmai ia ka State Library Complex.
Bei ka NLB T. 2.33 klur ban pynbha bad pynthymmai ia ka State Library Complex, Shillong
