SHILLONG: U myntri rangbah ka jylla u Conrad K Sangma mynta ka sngi, u la ong ba ka sorkar ka la kren shai ha u ksiang ka seng lehnoh Hynniewtrep National Liberation Council-HNLC ba ka seng ka dei ban sangeh ia ki kam beain khnang ban pyniatyllun ia ka jingiakren iasuk.
U la ong ba ka sorkar ka la ai ka jingbthah ia ki pulit ba kin iaid shakhmat ban leh da kaba tyngeh ia ki kam beain bad ki pulit kila leh ia ka kamram. Ki kam dawa pisa kiba jur bha mynshwa, mynta kila duna bha bad ka sorkar kan pynthikna ba kan sangeh bad ki paidbah ki dei ban shong ha ka jingsuk.
Ha kajuh ka por, u la ong ba ka sorkar ka la kren bunsien ha u ksiang ka HNLC ba un iakren ba ka seng ka dei ban sangeh mardor ia ki kam beain namar ba ki don ki kam ba ka seng ka la leh ban pynthut ia ka shongsuk shongsain. U la ong ba ka sorkar ka ban jur ba ki kam beain ki dei ban sangeh khnang ban pyntyllun ia ka jingiakren iasuk.
La kren shai ba ka HNLC kan sangeh ki kam beain ban pyntyllun ia ka jingiakren: Conrad
