SHILLONG: Ka juk ba thymmai ka lah wan na bynta ki kynthei ka Ri India bad ka ka long baroh lyngba ka jingtreishitom u Prime Minister Narendra Modi. Ba bun jait ki scheme Jong ka sorkar kum ki Ujjwala Yojana, Sukanya Samriddhi Yojana, Ujala Yojana, Mudra Loan Yojana, Drone Didi Yojana , Lakhpati Yojana bad kiwei de , ki lah pynkylla ia ka jingim Jong ki kynthei kylleng ka India. Kine ki scheme ki pynksan ia ka kular Jong u Modi kaba ong ba ka jingim Jong baroh ki kynthei Kan long kaba bha bad ban kyntiew ia ki. Kaei kaba ka Ri ka iohi mynta ki por ka wan naka jingthrang Jong u Honorable Prime Minister shaphang ka Jinglong jingman ki kynthei ba da ialam da ki kynthei um tang ka jingkiew Jong ki. Kane kan bteng na kipor sha ki por balah smai da u Prime Minister.
Ka state BJP, ka iaid ryntih bad ka jingkren u Prime Minister bad ruh ka sngew sarong ban pyni ia ka jingtrei Jong ka shaphang ka jingkyntiew ia ki kynthei haka program ban don ha ‘ Hawker’s Building’ ba pyniaid da ka State BJP Mahila Morcha bad ialam da ka president Susuki Pariat. Ki nongialam naka Meghalaya Jong ka BJP kin ia pynshai shaphang ki …..
Katba ka jingsawa Jong ki kyntien ” Im slem Modi ” bad “Modi na bynta 2024″ ki la ring ha ka jaka, u state cabinet Minister Shri A.L Hek u la kdew ia ka jingkongsan Jong u haka jingshna Jong ka shopping complex kaba lah ai jaka ia ki kynthei ba shu shong die surok. ” Baroh ki nondie dukan hangne ki dei ki kynthei be kim don kam siew eiei , nga lah khien iakane kum ka jingpyndem ianka jingpyrkhat Jong nga”, ong u hek.
U Nongaiktien Jong ka BJP Mariahom Kharkrang u ong, ” ki kynthei Jong ka ri Jong ngi ki lah iohi ia ka jing kyntiew baka imlang sahlang hapoh ka jingpyniaid Jong u Prime Minister Narendra Modi bad ki dei hok ban ioh ia ka jingdon ryngkat Jong u hadien ba lah dep shna ia ka sorkar ban wan.
“Im slem Modi uba khien ia ki kyntien baroh ha Indian kum ki … Ngi dwai ba un ioh bor biang ha 2024 bad un bteng ia ka jingaibor ia ki kynthei ha india ” , ong ka Susuki Pariat , President Jong Meghalaya BJP Mahila Morcha.
U Bah David Kharsati, dkhot Jong ka National council Jong BJP u la kdew ia ka jingsted ka jingtrei Kam Jong ka kular u Modi nabynta ki kynthei baroh. ” nga lah tikna ba baroh ki kynthei ha kylleng ka Ri kin vote na bynta ka jingkyntiew ba kin vote na bynta ka sorkar ba ialam u Modi biang”, la ong u bah David.
Ka juk thymmai ka la wan ia ki kynthei ha ri India, ong ka BJP
