SHILLONG: Ka Shillong All Faith Forum (SAFF) kala pynpaw ia ka jingsngew khia jur halor ka jingmih ki lyer ha kine ki sngi ki bym sngew tynnad ha kane ka ri India.
Haba kren sha ki lad pathai khubor mynta ka 1 tarik Lber, 2024, u President ka SAFF u Bishop Purely Lyngdoh ula ong ba ka thain shatei lammihngi ka dei kaba im suk im sain hapdeng ki jaitbynriew bapher bapher hynrei mynta la mih ki jingjia ki bym sngew tynnad satia.
Ula ong ba ym lah ban sngewthuh, ba ka lah ban dei ba la jan ka elekshon MP ne na bynta kano ka daw namar ba la mih ki kynhun kiba kren jam ia ki jingdawa jongki lyngba ka niam, kaba long kaba sngewsih.
Ula pynpaw ia ka jingsngew khia ia ki jingdawa lyngba ka niam, kaba lah ban wanrah ka jingsngew sih bad ka jingbym sngew tynnad.
Ula kyntu ia ki paidbah ban ym ngeit kulmar bad shongshit khlieh khamtam lyngba ki social media namar ba ki don bym shisha bad kyntu ruh ia ki paidbah nongshong shnong na ki jait niam bad jaitbynriew bapher bapher ba kin ia im lang imsuk ryngkat ka jingsngewthuh jingmut, ym ban wanrah ia kano kano kaba pynjngut ia ka shongsuk shongsain.
Sngew khia ki nongialam niam ba mih ki jingjia bym sngew tynnad ha ka ri
