SHILLONG: Ka skul Laitdom Presbyterian Secondary School ha ka Shnong Laitdom, Eastern West Khasi Hills ka la ioh ia ka ïingskul thymmai kaba la tei T.55 lak na ka pisa ka KHADC.
Ia ka Ïngskul la plie U Symbud Myntri Rangbah jong ka jylla u bah Prestone Tynsong kum u kongsan ha ka jingialang kaba la pynlong ha ka phyllaw jong katei ka skul.
Haba kren ha kane ka jingialang, u bah Prestone u la ong ba ka sorkar ka la mang 3000 klur tyngka na ka bynta ka pule puthi jong u 2024-25 bad kane ka dei ka thong ka sorkar ban ba baroh ki Block kin don ia ki Residential school ki ban poi haduh ka Kyrdan College.
Haba iaroh ia ka sorkar kaba la dep, u la ong ba ka sorkar barim naduh u snem 2018 ka la buh ia ka thong ban pynbiang ia ki Lower Primary, Upper Primary, Secondary School bad kiwei ban iarap kyrpang ia ki skul ban pynbit pynbiang ia ki iing skul bad ia ki nonghikai nalor kiwei ki jingdonkam.
Ha kane ka sngi, la don lang u CEM ka KHADC u bah Pyniaid Sing Syiem uba la long kum u symbud kongsan, u MDC jong ka Mairang Nongkhlaw Konstitwensi u bah Batskhem Ryntathiang, u Deputy Commissioner u bah Gideon Kharmawphlang, u bah Samlin Malngiang ,u bah HM Shangpliang, u Principal ka skul, ki nonghikai ki khynnah skul lem bad kiwei kiwei
U bah Pyniaid ula kular ban ai sa 10 lak tyngka lyngba ka KHADC ban pyniar shuh shuh ia katei ka Ïngskul bad ia ki jingdonkam jong ka skul.
Ioh ka Laitdom Pres Sec School da ka ing thymmai ba T.55 lak
