SHILLONG:Hadien ba la kut ka jingbuh por kaba 15 sngi, ka Khasi Students Union (KSU) Laban Circle kala mih ban shna ïing ia ki para Khasi ha Maxwelton Estate, hadien ba kiwei ki jaitbynriew kila ioh ban shong ha katei ka jaka.
Ka KSU Laban Circle kham mynshwa kala ai por ba ki briew kiba sah ha katei ka jaka ki dei ban mih noh namar ba ka dei ka jaka sorkar, bad kala ai jingujor sha ka bor district hynrei kam shym la ioh ia ka jubab.
Mynta ka 29 tarik Rymphang 2024, ha ka por 7 baje mynstep, ki dkhot ka seng ki la ia mih ryngkat ki tiar ki tar ban shna ing lem ia ki para Khasi ba kin sah ha katei ka jaka, kaba la sah kiwei ki jaitbynriew.
Kham mynshwa, u symbud myntri rangbah u bah Prestone Tynsong ula ong ba katei ka jaka ka don ha ka mukotduma ha ïing Kashari.
Tei ing ka KSU ia ki para Khasi ha Maxwelton Estate ba la kut jingbuh por
