SHILLONG: Ka ing dorbar ka la kyntait ia ka jingujor u MLA ka North Shillong u bah Adelbert Nongrum pyrshah ia u Lamphang halor ka jingbym shah ban rah ban iathir iaka kaiphod u CAG hapoh ka ing dorbar thawain.
U Adelbert ula wanrah ia ka jingshah pynduh ia ka hok kum u MLA ne Breach of privilege kaba ula pynkhreh ban wanrah ia ka jingiathir ia ka kaiphod CAG.
Haba wanrah ia kane, u bah Adelbert ula ong ba katkum ka Rule 1 (61) ka shah ia ban rah bad kam don ka jingkdew ha ka rule bym shah ban rah ia ka Report ka CAG khlem pat shong ka Public Account Committee (PAC).
Ula ong ba ka rukom pyniaid ban shu bud ia kaba ju leh ne convention kam dei ban kham halor ka ain.
Ula kdew ruh ba katkum ka rule 130 (A), ka shah ban rah ia kane ka Report hynrei la shah khang lad ia ka hok jong u kum u MLA ka shah bad u kyrpad ia u Lamphang ban ailad ban rah ia kane.
Na ka liang, u Lamphang, u Thomas A Sangma ula ong ba namar ba ia ka CAG Report dang bishar ka PAC, ym lah ban iakren bad yn lah ban iakren ynda la wanrah ha ka ing dorbar thawain.
U Lamphang ula ong ba katkum 161, 162, 163 ka rukom pyniaid dorbar, ula pan bor na ka ing bad ka ing kala kyntait ia ka breach of privilege.
Kyntait ka ing dorbar ia ka jingujor u bah Adelbert pyrshah ia u Lamphang
