SHILLONG: Ka seng Hynñiewtrep Achick National Movement – HANM kala byrthen ia ka jingshah pynthohbria ha ki rynsan Social media ia ka jingleit dawa pynrung ia ka ktien Khasi ha nongbah Delhi ha ki bnai ba la dep.
Ha ka social media, la don uba kynnoh ba ka jingleit iakhih sha Delhi ka dei ka jingkyrshan ka seng sain pyrthei ka National People Party (NPP) kaba lam khmat ïa ka sorkar Meghalaya.
Ia kane ka jingkynthoh la thoh uwei u briew ba ai kyrteng kum HBK Lyngdoh ha ka Facebook Page Ka Lympung ki khun Ka Ri.
Ka seng HANM kala kyntait ïa ka jingshah kynnoh khlem nongrim bad ha kajuh kala dawa ba hapoh 24 kynta ba katei ne utei dei ban wan shah khmat ban pynshai bad lada jia ba ym wan pynshai ka seng kan ujor da ka Ejahar pyrshah.
Pynap lypa ka HANM da ka ejahar ia kiba pynthohbria
