SHILLONG: U MLA ka Mawphlang u bah Mathew Beyond Kurbah u la pynpaw ia ka jingsngew syier ioh ba ka Science, Commere College ha Mawphlang kan kylla long kum ka Crowborough Hotel ban sah khongreng da ki phew snem.
Haba iashim bynta ha ka jingiakren u Lat ha ka sngi Baar hapoh ka iing dorbar ka dorbar mang tyngka ka jylla, u bah Mathew u la ong ba ia kane ka college la tei naduh u snem 2017 kaba la iaid sha ka 7 snem eiei hynrei haduh mynta khlem pat dep satia.
Mynta ka sngi, u bah Mathew u la wanrah ia ka jingkylli halor kane jaka pule kaba don ha Hima Mawphlang.
U myntri ka tnad pule puthi ka jylla, u Rakkam A Sangma u la pyntip ba ka jingtrei ia kane ka college ka la iaid sha ka 72 percent naduh ba la ioh ia ka jingmang pisa ha u Jylliew 2017 kaba T. 36.55 klur bad na kane, la pynlut T. 14.815 klur haduh u Jylliew 2021.
U myntri ula pyntip ruh ba la buh thong ban pyndep ia ka jingtei ia kane ka college ha u Jylliew 2024 bad ka jinghikai kan sdang noh hadien ba la dep ia ki jingtei nadong shadong bad hadien ba la thung ia ki nonghikai bad ki nongtrei.
Halor ka jingkylli u MLA ba ka la don ne em ka jingthung ia ki nongtrei bad ki nonghikai, na ka liang u myntri u la ong ba kam pat don satia.
La 7 snem khlem pat dep tang ban tei ia ka Science, Commerce college ha Mawphlang
