Babu Kular Khongjirem.
Ka jingkwah pynlong(conduct) ka sorkar Meghalaya lyngba ka Education Dept lyngba ka jingpynbna sorkar(official notification) mynshem snem kaba la bthah ia ka Meghalaya Board of School Education(MBOSE),Tura ba ka dei ban pynlong Exam SSLC(matric) noh ha u bnai Nohprah(December) ka la urlong shisha mynta u snem ha kaba ka MBOSE ka la pynmih syndon da ka Routine ne programe jong katei ka Exam.kaban sdang naduh 4th haduh 16th U December 2026.Ha ka jingshisha,kane kadei ka sien kaba ar(2) ba ka MBOSE)kan pynlong Exam.ha u December.Ha ki snem 1984,1985, ei ei,ka MBOSE ka la pyrshang(trial) ia ka HSLC Exam.(Ka Exam ha kito ki por),hynrei kam long(not practical) bad ka sa phai biang(reversed) sha ki bnai February bad March ei ei.
Katkum ka jingpynbna ka MBOSE,ka tarik ba khatduh ba ki skul bad ki khynnah kiba kwah ban ialeh SSLC 2026 kin pynrung kyrteng(Online system) kalong ha ne shwa ka 25th Sept.2026.Lada don kiba slem pyndap form palat ia katei ka tarik,ki khynnah kin hap siew bai kuna slem(late fine) sa 400/ na ka bai Exam ba la buh(original exam.fees).
Kumba ka long hi mynta,don ki skul kiba la dep pynlong ia ka Selection Test.Don pat kiba dang iaid shakhmat.Don ruh kiban sa ai Result next week katkum ka jingpynbeit jong ki bor pyniaid skul bapher bapher.Ki Candidates Regular 2 bad ki Private Candidates(Pvt.with Selection Test) ha East Khasi Hills te,ki la dep ioh Result naduh ka 11th Sept.2026 katkum ka jingpynbeit jong ka ophis DSEO, East Khasi Hills District,Shillong.Hynrei,ki lynnong pat ban pyndep lut,ia ka course SSLC dang bun ki skul kiban dang pyndep nangne shakhmat lait noh,tharai, tang ki katto katne ki skul kiba kham kloi ne sted ki la lah ban dep Course ha kine ki bnai .Ka daw ka long ba bun bah ki lynnong(chapters) ba dei ban pyndep ne leh, hapoh ka por kaba lyngkot pat.
Ka jingkylli mynta ka mih,hato! ka biang ne em ban pynlong Exam.SSLC ha ki bnai December?
Mynshem snem ha ka meeting ba la khot ka MBOSE ia ki bor Pyniaid skul baroh ban pan jingmut halor ka jingpynlong ia ka Exam SSLC ha u bnai December,ki nonghikai bad ki bor Pyniaid skul ki la ia ai ia la ka jong ka jong ka jingai jingmut(different opinions and suggestions).Don kiba kyrshan bad don ruh kiba pyrshah.Kiba kyrshan ki ong ba, ka biang bha namar ki khynnah ki dang lah ban kynmaw (fresh) bha ba ki dang shu dep long skul.Ka jingpynbeit paper(Evaluation duty) ki ong, dei ban leh tad haduh u bnai January syndon namar u bnai December u dei u bnai lehkmen (festive month).Ki skul kin iaid beit naduh u bnai February ei ei khlem kano kano ka jingpynwit ne pynthut shuh.
Ki don ruh ki bym iahap satia namar u bnai December u dei u bnai ba ki bunkam ban pynbeit paper ia ki Exam.skul ia ki klass bapher bapher haduh class ix.Bun ki nonghikai ki kwah pyllut ia ki por shuti jongki ha kiwei kiwei ki kam ba ki kwah pyllut.Hynrei kaba kham kongsan eh ba ki pyrshah kalong ba ki National Boards kum ka ICSE,CBSE,etc kin sdang baroh ia ki Exam jongki ha ki bnai March ei ei bad ka Result kin ioh haduh u bnai May ei ei bad ka jingpule kaba thymmai(new session), jongki pat kan sdang naduh ki bnai June ei ei.Lada ka MBOSE kan pynbna ia ka Result ha ki bnai March,kata ki khynnah kin hap ban ap kai haduh 3 ne 4 bnai ei ia ki klass ba thymmai jongki..Lada ki khynnah na Meghalaya(MBOSE) kin sdang shong ing naduh u bnai December haduh u bnai June,kata,kin shu bthi kai ei ka jabieng jongki? Kumno ki khynnah Meghalaya kin sdang long klass hi naduh u March ne April haba ki khynnah jong ki Central Board pat kim pat ioh Result satia? Hato! Ka long seh ban pynlong klass tang ia ki khynnah ba pass na MBOSE khlem ki khynnah na Central Board?Kumno ki khynnah kiba kwah ban leit pule shabar ka jylla(outside the state)? kin hap ban ap shitom haduh ki bnai June namar shabar ki klass thymmai(new session) bun hi kin sdang naduh u bnai June ter ter.Kine kilong ki katto katne kiei kiei kiba ka sorkar Meghalaya kan hap ban pyrkhat khia bha ba ioh ka long pynban ka apot, ka jingjynjar bad ka jingduh nong ne duh jingkyrmen(desparate) pynban ia ka jingpule(academic career) jong ki khun samla jongngi