Shillong: U Deputy Commissioner ka East Khasi Hills District u Abhilash Baranwal, ula pyntip ba ka bor district kam ai jingbit shuh ia ka KSU ban leit pyllong ia ka jingshong kyraiñ ha Khyndai Lad lashai ka sngi.
Haba kren mynta ka sngi, u DC ula ong ba ka jingjia hynnin ka sngi kala wanrah ia ka jingthut ka shongsuk shongsain ha kaba kala don ka jingshah pynmynsaw ki briew, ki mar ki mata, bad ki kali.
Ula pynshai ba ka bor district kala ai jingbit ia ka KSU ban iaid rally ryngkat ki kyndon kiba pyrkhing, ban iaid da kaba jai jai bad kaba katkum ka riti synshar paidbah.
Kum kane ka jingjia ka lah ban ktah pynban ia ki briew ka Meghalaya kiba sah shabar bad kan
U la ong ba ka bor district ka la ai jingbit ia ka KSU ban iaid rally ha ka 19 tarik ba kin bat ia ki kyndon namar ba ha ka synshar paidbah ki don ka hok ban pynpaw da ka lynti kaba shong ain hynrei kam ai jingbit ba kin pynkulmar, ban wanrah ka jingmynsaw ia ki briew, ban pynjulor ia ki tiar ki tar.
Ula ong ba la buh pulit pahara 200 ngut ha kylleng ki jaka haka por bai aid rally ka KSU hynrei namar ba la bun kiba iashim bynta ka la kham eh ban buh baroh ki jaka, kaba la pyllong ban ioh lad ki riew shim kabu. Katkum ka jingong u DC, ki don 16 ngut kiba mynsaw bad 2 tylli ki mot la pynpra, bad 2 tylli kila shah wiang ding, kumba 31 tylli ki kali ba shah pynjulor.
Ha kajuh ka por, ula iathuh ba la pan CRPF 4 pyrton bad shi pyrton ki RAF ban pahara ha Shillong ban pynneh ia ka shongsuk shongsain.
Halor ka jingjia, la kem 3 ngut bad ka jingtohkit ka dang iaid ban wad sa kito kiba donkti ban pynmynsaw ia ki briew bad pynjulor ia ki kali namar ba ka seng kaba pyllong ia ka jingiaid rally, ka la pynkhein ia ki kyndon jong ka jingiateh ne undertaking kaba la shim jingbit na ka DC ophis.
Katkum ka Meghalaya Maintenance of Public Order Act kiba pyllong ia ka rally ne ka jingialang haba mih ka jingshah pynjulor ia ki mar ki mata, kin hap ban siew ne buria.
Na ka liang u DC ula khot ia baroh ki jaitbynriew ban pynneh ia ka shongsuk shongsain ha ka nongbah Shillong bad ha ka jylla.
16 ngut mynsaw, 2 tylli ki kali ki shah wiang ding, hap siew kiba pyllong rally, ong u DC
