Shillong: U Myntri Rangbah ka Jylla Conrad K Sangma mynta ka sngi ula leit iakynduh ia u Myntri ka Tnad Pule Puthi ka Sorkar Pdeng Dharmendra Pradhan ha New Delhi ban pynpaw ia ka jingsngewnguh ia ka jingtuklar jong u ban sdang ia ki kam na ka bynta ka jingthung ia u Vice Chancellor ka North Eastern Hill University (NEHU).
\nHa ka shithi bala ai ha u Myntri ka Sokrar Pdeng, u Myntri Rangbah ula ong \u201cKane ka sienjam kala wanrah ia ka jingpynthikna kaba donkam bad la pdiang sngewbha ia ka da baroh ki briew kiba don hapoh ka University. Ka long kaba kongsan ba ia kane ka sienjam la pyniaid shakhmat kham kloi bad kaba da pyrkhat bha\u201d.
\nUla kyntu ia u Myntri ka Tnad Pule Puthi ba dei ban pynlong ia ka jingjied da kaba leh janai bha, haba pynthikna ba ym dei ban pynslem ia ka jingthungkam, na ka bynta ka jingmyntoi jong kane ka jaka pule.
\n\u201cKaba donkam lang ka long ka jingdonkam ban ithuh ia u kyrtong uba wanrah ym tang uba don ia ka kyrdan jingpule kaba biang bad ba bit ban pyniaid kam, hynrei uba don ruh ia ka jingshemphang, ka jingbishar bniah bad ka jinglong nongialam ki ban btin lynti ia ka NEHU lyngba ki jingeh kiba don mynta\u201d ula ong ha ka shithi.
\nUla shim ruh ia ka kabu ban kyntu ia u Myntei ba un tuklar lang halor ki san tylli ki project bala mang hapoh ka Pradhan Mantri Jan Vikas Karyakram (PMJVK) na ka bynta ka North Eastern Hill University (NEHU), Tura Campus, Meghalaya, ka ba dang ban pyntreikam. Ka song pisa ba T.35 klur lah dep ban pynlait daka Ministry of Minority Affairs ban pyntrei ia ki jingtei.
\n\u201cKine ki project ki dang long kiba kongsan bha ym tang ia ka University hynrei ia ka thain Ri-lum Garo baroh kawei, namar ki long kongsan bha ban pynbiang ia ki jingtei jong ki jaka pule Higher Education bad pynurlong ia ka jingangnud jong ki samla pule bad ka imlang sahlang\u201d ula ong.
\nLah ban kdew ba ka Ministry of Minority Affairs kala ai jingmut kham mynshuwa ia ka CPWD kum ka Agency ban pyntrei ia ka project ha ka jingialang bishar kam ba long ha ka 14 tarik Risaw, 2025.
\nU Myntri Rangbah ula batai ruh ia u Myntri ka Sorkar Pdeng halor ka Captain Williamson Sangma State University (CWSSU), kaba la pynroi kum ka Greenfield development model, bad pan ia ka jingiarap song pisa na ka bynta ban tei ia ki jingtei, pyniar ia ka pule dangle, ki laboratory, ki hostel ki samla pule, ki kam kiban tei ia ki nonghikai, bad ki prokram ai jinghikai ia ki nonghikai.
\nUla kyrpad ruh ia u Myntri ban mang ia ka jingiarap song pisa sha ka CWSSU hapoh ka MERU (Multi Disciplinary Education and Research University) Vertical jong ka PM-USHA, kaba ki University ka Sorkar Jylla ki lah ban ioh ia ka grant kaba kot haduh mar T.100 klur.
\n\u201cKa Meghalaya kam lah ban ioh ia ka jingkyrshan hapoh kane ka Vertical mynshuwa namar ka jingbym don jong ka State University. Da ka jingtreikam ka CWSSU, ka Jylla ka don jingkyrmen ban \u00efashim bynta ha ka rukom kaba don jingmut ha kane ka jingpyrshang kaba kongsan jong ka ri,\u201d ong u Myntri Rangbah ha ka shithi.<\/p>\n","protected":false},"excerpt":{"rendered":"
Shillong: U Myntri Rangbah ka Jylla Conrad K Sangma mynta ka sngi ula leit iakynduh ia u Myntri ka Tnad Pule Puthi ka Sorkar Pdeng Dharmendra Pradhan ha New Delhi ban pynpaw ia ka jingsngewnguh ia ka jingtuklar jong u ban sdang ia ki kam na ka bynta ka jingthung ia u Vice Chancellor ka […]<\/p>\n","protected":false},"author":2,"featured_media":9592,"comment_status":"open","ping_status":"open","sticky":false,"template":"","format":"standard","meta":[],"categories":[56,62,79,55],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/9591"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=9591"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/9591\/revisions"}],"predecessor-version":[{"id":9593,"href":"https:\/\/unongaiktien.com\/index.php\/wp-json\/wp\/v2\/posts\/9591\/revisions\/9593"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/9592"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=9591"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=9591"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=9591"}],"curies":[{"name":"wp","href":"https:\/\/api.w.org\/{rel}","templated":true}]}}