Tura: Myntri Rangbah ka Jylla Conrad K Sangma hynne ka sngi ula plie paidbah ia ka Complex ka 41 Meghalaya Battalion NCC ba dang shu pynkynriah thymmai ha Cherangre, Tura.
\nKa jingialang plie ka sdang da ka jingpdiang burom ia u Myntri Rangbah, pynbud da ka Guard of Honour, ka jingsoi ia ka visitor book, ot ribon, bad pynlait paidbah ia u maw kyrteng, bad ka jingthung dieng. Ka prokram ka kynthup ruh ia ka prayer dance da ki NCC cadet, ka jingiathuh khana ia ki jingshem da ki Cadet barim, ka jingpynkup burom ia ki cadet bad ka jingpyni riti dustur.
\nHaba kren ha ka jingialang, u Myntri Rangbah Conrad Sangmma ula kdew \u00efa ka bynta kaba kongsan jong ka NCC ha kaba pynrung ia ka jinglong discipline, ka jinglong nong\u00efalam, ka mynsiem ieid ri, bad ka jinglong shimet jong ki samla. Ha kabaniew \u00efa kane ka jingplie kum ka \u201cpor kaba kongsan shibun,\u201d u la ong ba ka jing\u00efohi \u00efa ka jingpynkynriah bad ka jingbuh \u00efa ka battalion ha Tura ka \u201clong kum ka jingphohsniew kaba la urlong.\u201d
\nHaba \u00efasam \u00efa ki jingshem jong u shimet ha ka por ba dang khynnah, u Myntri Rangbah u la kynmaw kumno u la don ka jingangnud ban rung sha ki shipai bad hadien u la angnud ban long u Heh Pulit namar ka jingdon discipline, ka jingaiti, bad ka burom kaba don bad ki rang bad ki kynthei ha ka uniform.
\nU Myntri Rangbah ula ong ba kine ki jinglong ki dang long kiba kongsan mynta bad ula kdew ia ka jinglong kongsan jong ka NCC ha kaban pynlong ia ki nongshongshnong kiba don jingkitkhlieh bad ki nongialam ki ban sa wan. \u2018Ka NCC ka wanrah ia ka discipline, ka mynsiem ieid ri, ka jingtrei shitom bad ka akor ka burom kaba pynwandur ia ki samla sha ki nongshongshnong kiba don ka jingkitkhlieh\u201d ula ong.
\nHaba ban jur ia ka jingkongsan ka synshar khadar kaba pynleit jingmut sha ki samla, u Myntri Rangbah ula ong ba ka jingthew ba shisha ia ka roi ka par ka shong ym na ka jingpynlut ia ka pisa lane ki jingtei ba wanrah, hynrei ha ka jingdon bun ki jingim kiba kylla. \u201cKa jingjop jong ka Sorkar kam dei ia kaban thsew da katno klur ka pisa la pynlut lane katno tylli ki building bala tei. Ka dei ban thdew da katno ki jingim kila kylla namar jong kine ki jingkynshew\u201d ula ong.
\nUla ong ruh \u201cKa roi ka par kam dei ia kaban bishar tang na ka jingdon ki stadium ba ngi tei lane ki medal ba ngi jop. Ka dei ia kaban bishar ba kumno kine ki stadium kila pynjanai ia ki sap, ka jingsngew shaniah halade bad ka akor ka burom jong ki khynnah bad ki samla jong ngi\u201d.
\nHaba kdew ia ka Youth & Sport Policy bala pynbna dang shen ha ka Cabinet on the Move ha Tura, ula niew ia kane kum ka \u201clynti iaid na ka bynta ka lawei jong ki samla jong ngi\u201d kaba pynrung lang ia ka pule puthi, ki kam ialehkai, ka arts anad culture, ka sengkam sengjam, ki youth exchange programme, ka skill development. \u201cKa jingplie ia ka 41 Meghalaya Battalion NCC complex ka long shibynta na ka jingiohi kaba kham heh\u201d ula ong. \u201cKa wanrah ia ngi shi kam shajan ban kynjoh ia ka lawei kaba ngi thmu na ka bynta ki samla jong ngi\u201d.
\nKa 41 Meghalaya Battalion NCC kadei kaba sdang n aka jingpynkha ia ka 15 Assam Artillery Battery NCC ha ka 3 tarik Jylliew 1961. La pynkiew kyrdan \u00efa kane ka unit sha ka 41 Meghalaya Battalion NCC ha u Risaw 2020. Ka battalion mynta ka kitkhlieh \u00efa ki kam hikai NCC ha ki 5 district jong ka Garo Hills.
\nHapoh ka Border Area Expansion Plan, kane ka unit ka la pyniar \u00efa ka jylli jong ka na ki 3 college bad 6 skul sha ki 7 college bad 18 tylli ki skul. Ka battalion mynta ka don 7 company bad 1,120 ki cadet bad 24 ngut ki troop, bad kumba 2,400 cadet haduh u Iaiong 2026.
\nKa jingpynkynriah \u00efa ka battalion na Shillong sha Tura ha ka 3 tarik Lber 2026, ka la urlong namar ba ka Sorkar ka la ai \u00efa ki \u00efing bad ka jaka ban pynheh \u00efa ki jingtei bad ki jingdonkam jong ka unit. Ka jingpynkynriah \u00efa ka 41 Meghalaya Battalion NCC sha Tura ka lah ban pynkhlai\u00f1 shuh \u00efa ka jingdon ka NCC bad ka jingpoi sha kylleng ka thai\u00f1 Garo Hills.<\/p>\n","protected":false},"excerpt":{"rendered":"
Tura: Myntri Rangbah ka Jylla Conrad K Sangma hynne ka sngi ula plie paidbah ia ka Complex ka 41 Meghalaya Battalion NCC ba dang shu pynkynriah thymmai ha Cherangre, Tura. Ka jingialang plie ka sdang da ka jingpdiang burom ia u Myntri Rangbah, pynbud da ka Guard of Honour, ka jingsoi ia ka visitor book, […]<\/p>\n","protected":false},"author":2,"featured_media":9548,"comment_status":"open","ping_status":"open","sticky":false,"template":"","format":"standard","meta":[],"categories":[56,62,79,55,1],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/9547"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=9547"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/9547\/revisions"}],"predecessor-version":[{"id":9549,"href":"https:\/\/unongaiktien.com\/index.php\/wp-json\/wp\/v2\/posts\/9547\/revisions\/9549"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/9548"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=9547"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=9547"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=9547"}],"curies":[{"name":"wp","href":"https:\/\/api.w.org\/{rel}","templated":true}]}}