Shillong: Ka Employment Monitoring Cell jong ka Khasi Students\u2019 Union mynne mynsngi ka la \u00efoh ban kynduh \u00efa u Chairman bad ki members jong ka Meghalaya Public Service Commission (MPSC) ban bud dien halor ki mat ban pynbha \u00efa ka MPSC. Ka Sorkar Jylla hadien ka jingiakhih jong ka Seng ka la thaw \u00efa ka Committee ban wanrah \u00efa ka jingkylla ha ka MPSC bad kane ka Committee ka la ai \u00efa ka rai jong ka ha 26 tarik u Jylliew, 2025 bad ki mat ba ha khmat ki long: ban pynlait paidbah \u00efa ki marks jong ki nongthoh eksamin, ban pynlait \u00efa ki answer key, ban pynlait \u00efa ka jingdon jingem jong ki nongtrei ka MPSC, ban pynlait \u00efa ka report treikam jong ka MPSC man u snem bad kiwei kiwei ki mat.
\nHynrei ka Seng ka dap da ka jingbitar ba ka MPSC haduh mynta kam pat pyntreikam pura \u00efa kine ki rai jong ka Committee bad ka ai daw ba ka MPSC ka synshar hi dalade bad kim pat \u00efoh ban bishar \u00efa ka report jong kane ka Committee. Ha ka jing\u00efatainia bad ki nong\u00efalam ka Seng, na ka liang u Chairman khatduh khatwai u la pan por ban bishar bad pyntreikam \u00efa kane ha u snem thymmai namar sa katto katne sngi ki ophis sorkar kin khang noh na bynta Khristmas.
\nKa MPSC ha kine ki sngi la lah ban \u00efohi ba ki dap da ki jinghuri hura suda ha kaba la ioh jingujor ba ki jaka leh eksamin (Examination Centre) ki khynnah thoh eksam ki \u00efoh rah \u00efa ki mobile, ki invigilators ruh kim biang bad um ju don nongwan nongkhmih na MPSC, bad ka por thoh eksam ruh kam beit ha kaba don ki jaka ba ki khynnah ki duh ei \u00efa ka por thoh eksam ka jong ki namar ki bor pyn\u00efaid ki slem. Ki don ruh ki eksamin ha kaba ki samla ba pass ki dei beit baroh na kawei ka kamra kaba pynsuba ba ka don ka jingleh thok.
\nKi bor pyn\u00efaid jong ka MPSC ruh i kumba leh katba lah ban thep briew sop sop ne thep tuh \u00efa ki briew ha ki kam sorkar bapher bapher. Iwei i nuksa ka long halor ka kam typist ba dang shu dep mynshem taiew ha kaba ka written examination ka dei ban long da ki MCQ kumba ka ju long barabor, hynrei mynta u snem pat ka long da descriptive 50 marks. Ka daw ba ki kwah ban pynlong eksamin da descriptive ka long ba lyngba MCQ yn ym lah ban leh thok ha ki marks hynrei lyngba descriptive kin lah ban ai marks katba mon ba pyn pass \u00efa ki briew jong ki. Na ka liang ka Seng ka pyrshah jur \u00efa kane ka eksamin bym hok bad ka dawa ban weng mardor namar ba katkum ka DoPT guidelines ruh kam shah \u00efa kane.
\nShuh shuh ban pynpaw \u00efa ka jingjyrsieh ha MPSC, kaba sngew lynngoh ka long ba u Secretary ka MPSC u Ashish M Sangma uba la shah suba ba don kti ha bun tylli ki kam bamsap ha MPSC u la shah weng noh kum u Secretary MPSC bad la pynkynriah noh sha kiwei ki tnad Sorkar la palat 4 bnai hynrei haduh mynta pat u dang shong sah bad bat kam kum u Secretary ka MPSC kaba pyni ba ka MPSC ka synshar donbor ban pynksan \u00efa ka kam sniew ka jong ki.
\nKa Seng ka ai por 24 kynta \u00efa une u briew ba un \u00efeh noh \u00efa kane ka kam Secretary lem kumta ka Seng kan shim \u00efa ka sienjam ba eh. Bad shuh shuh lada ka MPSC kam pyntreikam pura \u00efa ki jingkylla ba la phah da ka Committee bad pynlait paidbah \u00efa ki marks jong ki eksamin baroh naduh ba la pynlait paidbah \u00efa ka rai jong kane ka Committee, ka Seng ha u snem thymmai pynlong da ka jing\u00efakhih kaba jur bad pyntikna ba ka thungkam thungjam ha ka jylla kan long kaba khuid. Kane ka long ka kyrwoh na u samla
\nReuben Najiar, Asst General Secretary cum Chairman Employment Monitoring Cell ka Khasi Students\u2019 Union.<\/p>\n","protected":false},"excerpt":{"rendered":"
Shillong: Ka Employment Monitoring Cell jong ka Khasi Students\u2019 Union mynne mynsngi ka la \u00efoh ban kynduh \u00efa u Chairman bad ki members jong ka Meghalaya Public Service Commission (MPSC) ban bud dien halor ki mat ban pynbha \u00efa ka MPSC. Ka Sorkar Jylla hadien ka jingiakhih jong ka Seng ka la thaw \u00efa ka […]<\/p>\n","protected":false},"author":2,"featured_media":8491,"comment_status":"open","ping_status":"open","sticky":false,"template":"","format":"standard","meta":[],"categories":[59,56,79,55],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/8490"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=8490"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/8490\/revisions"}],"predecessor-version":[{"id":8492,"href":"https:\/\/unongaiktien.com\/index.php\/wp-json\/wp\/v2\/posts\/8490\/revisions\/8492"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/8491"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=8490"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=8490"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=8490"}],"curies":[{"name":"wp","href":"https:\/\/api.w.org\/{rel}","templated":true}]}}