PIB Shillong: U Myntri Sorkar Pdeng ba dei khmih ia ki Tnad Communications bad Development of North Eastern Region, u Jyotiraditya M. Scindia mynta ka sngi u la buh maw nongrim na ka bynta ka Integrated Sohra Circuit Development hapoh ka Prime Minister\u2019s Development Initiative for North Eastern Region (PM-DevINE) bad u la plie paidbah ia ki project bapher bapher jong ka DoNER ba shongdor T. 233 klur ha ka jingiadonlang u Myntri Rangbah ka jylla Meghalaya u Conrad Sangma, ki heh ophisar jong ka sorkar jylla, bad kito kiba iadon bynta ha ka kam jngohkai pyrthei.
\nHaba kren ha kane ka sngi, u Jyotiraditya M. Scindia u la batai ia ka Meghalaya kum \u201cka bneng ha ka pyrthei, ka jaka shong ki lyoh bad ki kshaid ba noh rymphum, ha kaba kawei pa kawei ka jingbeh ka lyer ka kit ia ka jingiwbih jong ka burom, ka jingngeit, bad ka jinglaitluid ban kiew shaphrang,\u201d bad u la pynskhem biang ia ka jingkut jingmut jong ka sorkar India ban kyntiew ia ka kam jngohkai pyrthei kaba don jingkitkhlieh, kaba kynthup lang ia baroh, bad ka kam jngoh kai kaba don nongrim ha ka pateng ha kylleng ka thain shatei lammihngi.
\nU Myntri u la ong ba hapoh ka jing\u00efalam ba iohi jngai jong u Myntri Rangbahduh u Narendra Modi, kine ki shiphew snem ba la dep ki la pynpaw \u00efa ka por jong ka jingkylla na ka bynta ka thai\u00f1 Shatei Lammihngi, kaba la pynkylla \u00efa ka na ka thai\u00f1 \u201cba la sahkut\u201d sha ka \u201cka bor ba la pyn\u00efasoh.\u201d
\nU la ban jur ba palat T.6.2 lak klur la pynpoi sha kane ka thai\u00f1 lyngba ka Gross Budgetary Support policy kaba 10%, kaba kyntiew \u00efa ka jingiasoh, ka jingseng kam, bad ka jingpynkupbor ha kylleng ki kam. Ka Meghalaya, u la ong, ka la long kawei na ki nong\u00efoh jingmyntoi ba hakhmat eh na kane ka jingphaikhmat ba thymmai, kaba la \u00efoh \u00efa ka jingkiew kaba 12\u201316% ha ki snem hadien ka COVID lyngba ki jingbei tyngka ba la thmu ha ki jingdon jingem, ka jingpyn\u00efasoh liengsui\u00f1, bad ka kam jngohkai pyrthei.
\nU Scindia u la ban jur shaphang ki projek kiba kongsan kum ka surok Shillong\u2013Silchar Greenfield Expressway kaba 166.8 km (T.22,864 klur) bad ka jingpynheh \u00efa ka Kad Liengsui\u00f1 Umroi ban don ki liengsui\u00f1 kiba kham heh, kaba iarap ia ka jingkiew stet ha ka jingpynher liengsui\u00f1 man la u snem. Ka projek New Shillong City, u la bynrap, kan paw kum ka \u201csmart-green township\u201d bad ka jaka pdeng jong ka jingnang jingstad na ka bynta ka thain shatei lammihngi.
\nKa Integrated Sohra Circuit, kaba la saindur lang da ka Tnad DoNER bad ka sorkar Meghalaya, ka long kawei na ki sienjam ba don jing thmu ba heh ha ka kam jngohkai pyrthei ha ka thain shatei lammihngi. Da ki jingbei tyngka baroh kaba palat \u00efa ka T.650 klur, kynthup palat T.221 klur hapoh ka MDoNER, ka projek ka thmu ban pynkylla \u00efa ka Sohra sha ka jaka jngohkai pyrthei kaba bun sngi kaba don tynrai ha ka jingpynneh pynsah bad ka kamai kajih jong ki nongshong shnong.
\nKa Sohra Experience Center ha Kutmadan, kaba la shna ha ka jingbei tyngka kaba T.115 klur, kan long kum ka pdeng jong kane ka kam, kaba pyni \u00efa ka pateng jong ki jaitbynriew bapher bapher jong ka Meghalaya lyngba ki amphitheatre, ki jaka ban iohi ia u slap, bad ki jaka pyni \u00efa ki kam shna jingshna.
\nKi projek ki kynthup \u00efa ka bynta jong ka Nohkalikai Falls (T. 26 klur), ka Mawsmai Eco Park (T. 29 klur), Seven Sisters Falls Viewpoint, Shella Riverside Development, bad Wahkaliar Canyon ryngkat bad ki kam jngohkai pyrthei kum ka lad ban shong ia ki hot air balloon. Lada khein lang, kine ki projek la khmih lynti ba kin kyntiew ia ka jingpynlut jong ki nongjngohkai hynriew shah, katba kin pynmih palat 4,600 tylli ki lad ioh kam.
\nNalor ka tourism circuit, la plie paidbah \u00efa katto katne ki projek jingdon jingem kiba kongsan ban kyntiew \u00efa ka lad ka leit ka wan bad ka khaii pateng ha ka thai\u00f1. Kine ki kynthup \u00efa – ka Surok Pynursla\u2013Latangriwan\u2013Mawlynnong (T.29.97 klur), ka ban ai lad ban leit sha ka shnong kaba khuid tam jong ka Asia ha kano kano ka por bad ban kyntiew \u00efa ka kam jngohkai pyrthei sha shiliang pud bad ka khaii pateng ha ka thai\u00f1; Surok Mawshynrut\u2013Hahim (Athiabari) (T.99.76 klur), ba la kyntiew sha ka kyrdan intermediate lane standard, kaba pynkhlain ia ka jingpyniasoh ha ka rep ka riang ha ka thain sepngi jong ka jylla Meghalaya; bad la buh mawnongrim na ka bynta ka jingkieng kaba kongsan halor ka wah Umngot ha ka surok Jongksha\u2013Wahiajer (T.21.86 klur), kaba pyniasoh ia ka East Khasi Hills bad Jaintia Hills na ka bynta ka leit ka wan kaba kham bha jong ki briew bad ka jingkit ia ki mar ki mata.
\nU Scindia u la pynpaw ruh ba ka jingpynheh ia ka runway jong ka kad liengsuin ha Umroi bad ka Shillong Western Bypass kaba thymmai kan pynduna ia ka por leit jingleit hapdeng ka Guwahati bad Sohra sha kumba saw kynta, ka ban pynjan shuh shuh ia kane ka thain sha ki jaka jngohkai bad ki jaka khaii pateng.
\nU Scindia u la ban jur ba ka Sohra Circuit kan pynthikna ba ka dur phuh samrkhie ba nyngkong eh kaba u nongjngohkai pyrthei u \u00efohi ha Meghalaya kan long ka kamai kajih kaba nyngkong eh kaba ka long\u00efing trai shnong kan ioh. Ki prokram kyntiew ia ki sap ha ka jingiatreilang bad ka Meghalaya Skills Development Society bad ka IHM Shillong ki la dep ban ai jinghikai pyntbit ia ki samla jong ka thain ha ka kam pdiang briew, ka jingpeit ia ka jingshngain, bad ki rukom treikam kiba iahap bad ka mariang.
\nU la pynpaw shuh shuh ba ka Tnad DoNER ka shimkhia ban thaw \u00efa ki lynti ban kiew shaphrang kiba kynthup lang \u00efa baroh kiba pynneh pynsah \u00efa ka spah mariang bad ka kolshor jong ka jylla katba ka pynthikna \u00efa ka kamai kajih kaba neh na ka bynta ki briew jong ka.
\nU Myntri u la ong, \u201cKa Meghalaya ka ieng mynta ha ka jaka ba \u00efakynduh lang ka pateng bad ka jingkyrmen. Kine ki projek kim dei tang shaphang ban tei \u00efa ki jingdon jingem; ki dei shaphang ban tei \u00efa ka lawei.\u201d U la pynpaw \u00efa ka jingshaniah ba ka jing\u00efatreilang hapdeng ka Sorkar Pdeng bad ka Jylla hapoh ka jing\u00efalam jong u Myntri Rangbahduh ka ri u Narendra Modi kan pynlong \u00efa ka Meghalaya kum ka Jylla kaba don jing\u00efadei, kaba skhem, bad kaba lah ban \u00efakhun kaba \u00efalam \u00efa ka jing\u00efaid lynti jong ka thai\u00f1 shatei lammihngi sha ka Viksit Bharat @2047.
\nKi kynrem ki lyndon kiba la don lang ha kane ka sngi ki kynthup \u00efa u Timothy D. Shira, Myntri ka Tnad Kam Jngoh kai; Bahi Wailadmiki Shylla, Myntri ka Tnad kam ialehkai; Bah Sanbor Shullai, Myntri ka Tnad Art and Culture; Bah Gavin Mylliemngap, MLA ka Sohra; Bah Titos Chyne, MDC ka Sohra; Bah Balajied Synrem, MLA ka Shella; bad Bah Barikor Synrem, MDC ka Shella.
\nHashuwa kane, u Myntri u la \u00efaid kjat ar kynta lyngba ka Rangthylliang, ka jaka ba don ka jingkieng jri kaba jrong tam ha ka pyrthei kaba jrong palat 50 meter. Da kaba mad hi dalade \u00efa ka Jingkieng Jri jong ka Meghalaya, u Myntri u la pyrkhat shaphang ka jing\u00efadei hapdeng ka mariang bad ka jingstad jong u briew, ka jingpynshisha \u00efa ka jingim kaba iaineh bad ka jingiaineh kaba la tei da ki spah snem.
\nDa ka jing\u00efalam jong ki riew shemphang na ka thai\u00f1, ka jingleit jngoh ka kynthup ruh \u00efa ka jing\u00efakren halor ki rukom tynrai jong ka jingthai\u00f1 bad jingsumar \u00efa ki jingkieng jri, kaba pyni kumno ka jingstad jong ka imlang sahlang ka dang \u00efai bteng ban pynneh \u00efa ka jingiaid ryntih ka mariang bad ban pynneh pynsah \u00efa ka pateng kolshor kaba riewspah.
\nU Myntri u la leit jngoh ruh ia ka Mushroom Development Centre ha Upper Shillong, ha kaba ki sienjam ba thymmai jong ka thain ki ai bor ia ki nongrep, ki plie ki lad kamai kajih bad ki kyntiew ia ka roi ka par kaba lah ban shaniah ha lade, kaba lah ban iaineh ha kylleng ka thain shatei lammihngi. U Myntri u la ban jur \u00efa ka jingngeit kaba neh jong ka thai\u00f1 bad ka jingkut jingmut jong ka ha ka roi ka par kaba iahap bad ka mariang.<\/p>\n","protected":false},"excerpt":{"rendered":"
PIB Shillong: U Myntri Sorkar Pdeng ba dei khmih ia ki Tnad Communications bad Development of North Eastern Region, u Jyotiraditya M. Scindia mynta ka sngi u la buh maw nongrim na ka bynta ka Integrated Sohra Circuit Development hapoh ka Prime Minister\u2019s Development Initiative for North Eastern Region (PM-DevINE) bad u la plie paidbah […]<\/p>\n","protected":false},"author":2,"featured_media":7944,"comment_status":"open","ping_status":"open","sticky":false,"template":"","format":"standard","meta":[],"categories":[56,62,79,55],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/7943"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=7943"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/7943\/revisions"}],"predecessor-version":[{"id":7945,"href":"https:\/\/unongaiktien.com\/index.php\/wp-json\/wp\/v2\/posts\/7943\/revisions\/7945"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/7944"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=7943"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=7943"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=7943"}],"curies":[{"name":"wp","href":"https:\/\/api.w.org\/{rel}","templated":true}]}}