Ka jingshalan mar jong ka India ka la rung ha ka kyrdan kaba thymmai jong ka jingkiew shaphrang bad ka jingsngew skhem. Hapdeng u Iaiong-Nailar 2025, ka jingshalan mar shabar ri baroh jong ka India (ki mar ki mata bad ki jingshakri lada pyniasoh lang) ka la kiew da 5.19%, kaba kiew sha ka USD 346.10 billion haba ianujor bad USD 329.03 billion ha kajuh ka por jong u snem ba la dep. Tang ha u bnai Nailar 2025, ka jingshalan shabar ri ka la kiew da 4.77% haba ianujor bad u bnai Nailar 2024, kaba pyni \u00efa ka jingtreikam kaba stet jong ka India hapdeng ki jingeh ha ka liang ka ioh ka kot ha ka pyrthei.
\nKa bhah jong ka jingshalan mar shabar ri ka long 53.09%, katba ki jingshakri ki long 46.91%. Kane ka jingroi ka pyni ia ka jinglah ban iakhun bad ka jingkiew jong ka India ha ka kyrdan khaii pateng ha ka pyrthei. Katkum ka World Bank, katba ka jingshalan mar shabar ri ha ka pyrthei ka kiew haduh kumba 2.5%, ka jingshalan mar shabar ri jong ka India ka kiew haduh 7.1% ha u snem 2024, kaba pynpaw \u00efa ka bynta ba nang kiew jong ka ri ha ka khaii pateng ha ka pyrthei.
\nKa jingsngew skhem kaba dang kiew jong ka India ha ka kam khaii pateng
\nKi jingpynkylla kaba man ka por jong ka sorkar, ka jingkyrshan da ki polisi, bad ka jingpynleit jingmut ha ka jingsuk ban leh ia ka kam ka la thaw ia ka jinglong kaba pli\u00e9 lad ia ki nongshalan mar shabar ri. Ka Foreign Trade Policy 2023, ryngkat bad ki skhim kum ka RoDTEP, PLI bad ki jingthmu kum ki District kum ki jaka Pdeng jong ka jingshalan mar shabar ri, ki wanrah \u00efa ka jingkiew shaphrang ha kylleng ki thai\u00f1 bad ki kam.
\nDa kaba sngewthuh ia kane ka jinglong jingman, ka sorkar ka la buh ruh ia ka thong kaba heh bha kaba long USD 1 trillion ka jingshalan mar shabar ri na ka bynta u snem mang tyngka 2025-26, ha kaba 34.61% la dep ban pynurlong ha ki san bnai ba nyngkong.
\nKa bynta jong ka Meghalaya ha ka jingkiew ka jingshalan mar ka India
\nKatba ki jylla kum ka Gujarat, Maharashtra, bad Tamilnadu ki dang iai bteng ban ialam ia ka jingtreikam jong ka India ha ka jingshalan mar shabar ri, ki jylla kiba kham rit ruh ki dang ai ia ki jingnoh synniang kiba paw ha ka jingkyntiew ia ka khaii pateng jong ka ri. Ka Meghalaya, kawei na ki jylla jong ka thain shatei lammihngi jong ka ri India, ka la ioh ia ka jingshalan shabar ri kaba kot sha USD 32.85 million hapoh u bnai Iaiong 2024 – Lber 2025, katkum ka jingkhein ba khatduh.
\nHa u bnai Lber 2025, ka jylla ka la shalan \u00efa ki mar shabar ri haduh USD 7.58 million, kaba pyni \u00efa ka jingkiew kaba 3.16% na u bnai Rymphang 2025 (USD 7.35 million). Ka bynta jong ka Meghalaya ha ka jingshalan mar shabar ri jong ka India mynta ka long 0.01%, hynrei ka jingkiew man la u bnai ka pyni ia ka jingpyrshang kaba stet ban pyniasoh ia ka ioh ka kot jong ka jylla bad ka rukom shalan mar shabar ri jong ka India.
\nKane ka jingkiew kaba nang heh ka \u00efahap bad ka jingpyrshang kaba kham heh jong ka India ban pli\u00e9 lad \u00efa man la ka jylla bad ka distrik ban \u00efashim bynta ha ka khaii pateng shabar ri. Ka jingpyrkhat jong ka ri ban kyntiew ia ki lad pynpoi mar shabar ri, ka jingpynpoi mar, bad ka jingpynsuk ia ka khaii pateng lyngba ki lad digital ka la ailad ia ki jylla kum ka Meghalaya ban pyniasoh bad ki iew kiba kham heh.
\nKa jingpyni ia ki bor hadien ka jingle bha ka India ha ka jingshalan mar
\nKa jingkiew jong ka jingshalan mar shabar ri jong ka India ha u snem 2025 ka la long ha baroh ar ki mar bad ki jingshakri. Ka jingshalan mar shabar ri ka la kiew da 2.31% ha u bnai Iaiong-Nailar 2025, kaba la poi sha ka USD 183.74 klur haba \u00efanujor bad ka USD 179.60 klur ha kajuh ka por ha u snem 2024. Hapdeng ki mar khaii, ki mar bym don jingiadei bad ka umphniang bad ki bym dei ki mawkordor ki la sakhi \u00efa ka jingkiew kaba khlai\u00f1 bha da 7.76%, kaba pyni \u00efa ka jingkhlain ha ki mar engineer, ki tiar elektrik, ki dawai bad kiwei kiwei ki jait.
\nNapdeng ki mar, ki mar elektronik ki la lamkhmat \u00efa ka jingkiew, ha kaba ka jingshalan shabar ri ka la kiew da 40.63% ha u bnai Iaiong-Nailar 2025. Kumjuh ruh ki bynta kum kiwei pat ki cereal, ka doh, ki mar ba shna na ka dud bad ki mar kiba mih na ka kam ri syiar, ka sha bad ki marpoh khyndew ki la sakhi \u00efa ka jingkiew kaba ar shah haba \u00efanujor bad u snem ba la dep.
\nHa kajuh ka por, ka jingshalan \u00efa ki mar engineer shabar ri ka la kiew da 5.86%, ki dawai da 7.30%, bad ki jai\u00f1 ba la shna lypa da 5.78% hapoh u bnai Iaiong-Nailar 2025, kaba pyni biang \u00efa ka bor shalan mar bapher bapher jong ka India.
\nKa jingpaw ka India ha ka pyrthei
\nKa jingshalan mar jong ka India sha ki ri ba iatreilang ha ka kam khaii ka la pyni ia ka jingkiew kaba stet. Ka jingshalan sha Hong Kong ka kiew da 26.19%, sha China da 19.65%, sha Germany da 11.73%, bad sha Korea da 9.69% ha u Iaiong-Nailar 2025 haba ianujor bad kajuh ka por ha u snem ba la dep. Ka United States ka dang long ka ri kaba heh tam sha kaba ka India ka shalan mar, katba ka UAE, Netherlands, Australia, Nepal, South Africa bad Belgium ki dei kiwei pat ki paralok ba kongsan kiba sakhi \u00efa ka jingkiew ha ka khaii pateng bad ka India.
\nKane ka jingpyniar \u00efa ki jaka shalan mar shabar ka pynpaw \u00efa ka buit jong ka India ban pynskhem \u00efa ki jing\u00efadei bad ki iew kiba la kiew bad kiba dang kiew, da kaba pyn\u00efahap \u00efa ki jing\u00efadei ha ka kam khaii jong ka ha kylleng ka Asia, Europe, bad America.
\nKa jingshalan ia ki jingshakri: Ka kor kaba thymmai
\nKa kam ai jingshakri ka dang bteng ban iatrei lang bad ka jingshalan mar shabar ri da kaba pynpoi ia ka jingtreikam kaba khlain. Ha u bnai Iaiong-Nailar 2025, ka jingshalan \u00efa ki jingshakri jong ka India ka la kiew da 8.65%, kaba la pynlong da ka information technology, ka jingpyn\u00efaid \u00efa ki kam, ka pisa tyngka, bad ka jingai jingmut. Kane ka bynta ka la pynmih ia ka jingmih ha ka khaii pateng kaba USD 79.97 billion ha kane ka por, kaba la iarap ban pynduna ia ka jingduna ha ka khaii pateng baroh kawei.
\nKa jingseisoh jong kane ka kam ka shah kyrshan ha ka jingkylla digital jong ka India, ka jingkiew ka jingdawa ha ka pyrthei na ka bynta ki jingshakri ba pyndonkam da ka IT, bad ki jingpynkylla jong ka sorkar kiba kyntiew \u00efa ka jingbei tyngka bad ka jingpynmih jingmut ha ki kam ba la pyn\u00efaid da ka teknoloji.
\nKi sienjam jong ka Sorkar ki aibor ia ka jinglah iakhun ha ka jingshalan mar
\nKa rukom treikam jong ka India ban kyntiew ia ka jingshalan mar shabar ri ka long kaba bniah, kaba peit ia ki jingpynkylla ia ki jingtei bad ki polisi. Ka Foreign Trade Policy 2023 ka kyrshan ia ki nongshalan mar shabar ri lyngba ki jingai jingmyntoi, ka jingpynsuk ban ioh ia ki iew ki hat, bad ka jingpynsuk ia ki jingai jingbit.
\nKa Skhim RoDTEP ka pynphai \u00efa ki khajna, ha kaba ka jingsiew ka poi sha ka T.58,000 klur haduh u bnai Lber 2025. Nalor kata, la ithuh \u00efa ki 734 tylli ki distrik kiba lah ban shalan mar shabar ri, bad ia ki District bad Export Action Plans ruh la pynkhreh na ka bynta 590 tylli ki distrik ha ka sienjam \u201cDistrik kum ki jaka Pdeng jong ka jingshalan mar\u201d \u2013 ka sienjam kaba kynthup lang ruh ia ki jylla jong ka thain shatei lammihngi kum ka Meghalaya.
\nKa PM GatiShakti plan bad ka National Logistics Policy ki pynkhlain ia ka jinglah ban iakhun ha ka liang ka jingpynpoi mar ka India, ha kaba ka kyrdan jong ka ri ha ka pyrthei ka la kiew na ka 44 ha u snem 2018 sha ka 38 ha u snem 2023. Katba ka PLI Scheme, kaba la sdang ha u snem 2020, ka dang bteng ban pynkhlain ia ka jingpynmih mar ha ki 14 tylli ki jait kam, kaba la wanrah T.1.76 lak klur ka jingbei tyngka bad thaw palat 12 lak ki kam haduh u bnai Lber 2025.
\nKa lawei kaba don jingiasohlang
\nKi jingpynkylla ba dang iaid jong ka sorkar ha ka GST, ka Export Promotion Mission, bad katto katne ki jingiateh khaii pateng kiba thymmai (ka India-UK CETA, ka India-UK FTA, ka India-Australia CECA, bad kiwei kiwei) ki thmu ban kyntiew shuh shuh ia ka rukom shalan mar shabar ri jong ka India. Kine ki sienjam kin dang bteng ban kyntiew ia ka lad ban poi sha ki iew ki hat, ban pynbeit ia ki rukom siew khajna, bad ban kyntiew ia ka bor jong ki mar jong ka India ban iaid iew ka kylleng ka pyrthei.
\nKa jingkiew jong ka jingshalan mar shabar ri jong ka India ka pyni ia ka jinglah ban iaineh bad ka jingthmu jong ka ri na ka bynta ka ioh ka kot kaba kham iadei bad ka pyrthei. Ka jingtreikam jong ki jylla kum ka Meghalaya, da ka jingroi kaba rit hynrei kaba bha, ka pyni ba man la ka thain ka don ka bynta lajong ha ka jingkyntiew ia ka khaii pateng jong ka India.
\nKatba ka ri ka nang jan ban pynurlong ia ka jingangnud jong ka ban shalan mar shabar ri kaba da ki trillion dollar, ki jylla kiba heh bad kiba rit ki nang noh synniang sha ka jingiaid shaphrang. Ka jingkiew kaba bteng ha ka jingshalan mar shabar ri, kaba la pynkhlain da ki jingpynkylla, ki jingtei digital bad ka jingseng kam seng jam, ka pynskhem biang ia ka jingmih jong ka India kum ka bor kaba sngewskhem, kaba lah ban iakhun ha ka iew ka hat jong ka pyrthei.<\/p>\n","protected":false},"excerpt":{"rendered":"
Ka jingshalan mar jong ka India ka la rung ha ka kyrdan kaba thymmai jong ka jingkiew shaphrang bad ka jingsngew skhem. Hapdeng u Iaiong-Nailar 2025, ka jingshalan mar shabar ri baroh jong ka India (ki mar ki mata bad ki jingshakri lada pyniasoh lang) ka la kiew da 5.19%, kaba kiew sha ka USD […]<\/p>\n","protected":false},"author":2,"featured_media":7776,"comment_status":"open","ping_status":"open","sticky":false,"template":"","format":"standard","meta":[],"categories":[56,62,79],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/7775"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=7775"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/7775\/revisions"}],"predecessor-version":[{"id":7777,"href":"https:\/\/unongaiktien.com\/index.php\/wp-json\/wp\/v2\/posts\/7775\/revisions\/7777"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/7776"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=7775"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=7775"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=7775"}],"curies":[{"name":"wp","href":"https:\/\/api.w.org\/{rel}","templated":true}]}}