PIB Delhi: U Myntri Rangbahduh ka ri Narendra Modi u la ai jingkren sha ka ri lyngba ka video conferencing mynta ka sngi. Haba ai khublei ia baroh ki nongshong shnong ha ka jingsdang jong ka Navratri, ka jinglehkmen ban mane \u00efa ka Shakti, u la ong ba naduh ka sngi nyngkong jong ka Navratri, ka ri ka shim \u00efa ka sienjam kaba kongsan ha ka campaign jong ka Aatmanirbhar Bharat. La sdang naduh ba mih ka sngi ha ka 22 tarik Nailur, ka ri kan pyntreikam \u00efa ki jingpynkylla ba thymmai ha ka GST. U Myntri Rangbahduh u la ban jur ba kane kadei ka jingsdang jong ka GST Bachat Utsav (ka Tamasa tyngkai pisa) ha kylleng ka ri India. U la ban jur ba kane ka tamasa kan kyntiew ia ka jingpynlang pisa bad kan pynsuk ia ki briew ban thied ia ki tiar kiba ki kwah. U Modi u la ong ba ki jingmyntoi na kane ka tamasa tyngkai pisa kan poi sha ki briew kiba duk ba suk, kiba pdeng ka ioh ka kot, ki briew kiba dang shu kot sha ka ioh ka kot kaba pdeng, ki samla, ki nongrep, ki kynthei, ki nongdie dukan, ki nongkhaii, bad ki nongseng kam kumjuh. U la ong ba ha kane ka aiom lehkmen, man la ka long\u00efing kan mad \u00efa ka jingkmen bad jingsngewtynnat kaba la nang kiew. Haba ai khublei, u Myntri Rangbahduh u la kitbok kitrwiang ia ki klur tylli ki long\u00efing ha kylleng ka ri na ka bynta kine ki jingpynkylla ba thymmai ha ka GST bad ka GST Savings Festival. U la pynpaw ba kine ki jingpynkylla kin pynsted \u00efa ka khana jong ka jingkiew shaphrang ka India, kin pynsuk \u00efa ki kam khaii, kin pynlong \u00efa ki jingbei tyngka kiba kham khring, bad pynthikna ba man la ka jylla kan long ka nongiatreilang kaba \u00efaryngkat ha ka jing\u00efakhun na ka bynta ka roi ka par.
\nHaba pynkynmaw ba ka India ka la shim \u00efa ki sienjam ba nyngkong jong ka ban pynkylla \u00efa ka GST ha u snem 2017, kaba pyni \u00efa ka jingkut jong ka lynnong kaba rim bad ka jingsdang jong ka lynnong kaba thymmai ha ka histori ka \u00efoh ka kot jong ka ri, u Modi u la ban jur ba da ki phew snem, ki nongshong shnong bad ki nongkha\u00efi ki la shah teh ha ki khajna kiba eh\u2014Octroi, Entry Tax, Sales Tax, Excise, VAT, bad ka Service Tax \u2014 kaba kot haduh da ki phew tylli ki khajna ha kylleng ka ri. U Myntri Rangbahduh u la ong ban kit \u00efa ki mar na kawei ka nongbah sha kawei pat ka donkam ban \u00efaid lyngba ki jaka talasi kiba bun, ban pyndap \u00efa ki phorm kiba bun, bad ban \u00efaid lyngba \u00efa ka jingjynjar jong ki kyndon khajna bapher bapher ha man la ka jaka. U la \u00efasam \u00efa ka jingkynmaw shimet naduh u snem 2014, ha kaba u la shimti \u00efa ka kam kum u Myntri Rangbahduh, da kaba kdew \u00efa ka nuksa kaba la pynmih ha ka kot khubor bar ri. Katei ka jingthoh ka la batai ia ki jingeh kiba ka kompeni ka la shem jingeh haduh katta katta ban phah ia ki mar na Bengaluru sha Hyderabad\u2014ka jingjngai kaba tang 570 kilomitar\u2014haduh ba ka jied ban phah ia ki mar na Bengaluru sha Europe bad nangta phah pat sha Hyderabad.
\nU Myntri Rangbahduh u la ong ba kum kita ki jinglong namar ka jing\u00efatyngkhuh lang jong ki khajna bad ki jingsiew. U la pynkynmaw biang ba ka nuksa kaba kham mynshuwa ka long tang kawei na ki jingjia bym lah khein. U la ban jur ba da ki lak tylli ki kompeni bad da ki klur ngut ki nongshong shnong ki mad \u00efa ki jingeh man la ka sngi namar ka jingkulmar jong ki khajna kiba bun jait. U Modi u la ban jur ba ka jingkiew dor ban kit mar na kawei ka nongbah sha kawei pat ha kaba kut la kit da kiba duk bad la ioh biang na ki nongthied kum ki paidbah nongshong shnong.
\nDa kaba ban jur ba ka long kaba donkam ban pynlait \u00efa ka ri na ki jingeh ha ka khajna kiba la don lypa, u Modi u la pynkynmaw ba ynda la \u00efoh \u00efa ka bor ha u snem 2014, ka sorkar ka la buh hakhmat eh \u00efa ka GST na ka bynta ka jingmyntoi jong ki paidbah bad ka ri. U la ban jur ba la pynlong \u00efa ki jing\u00efamir jingmut kiba bniah bad baroh ki nongshim bynta, la pynbeit \u00efa man la ka jingeh ba la pynpaw da ki jylla, bad la wad \u00efa ki lad ki lynti na ka bynta man la ka jingkylli. U la ong ba lyngba ka jingpyn\u00efasoh lang \u00efa baroh ki jylla, kum kane ka jingpynkylla khajna kaba khraw ha ka ri India kaba laitluid ka la urlong. U Myntri Rangbahduh u la ong ba ka dei ka resol jong ka jing\u00efatreilang ka sorkar pdeng bad ki jylla ba ka ri ka la lait na ka jingeh jong ki khajna kiba bun jait bad la seng \u00efa ka rukom treikam kaba ryntih ha kylleng ka ri. U la pynskhem ba ka jingangnud jong Kawei ka Ri- Kawei ka Khajna ka la urlong.
\nU Myntri Rangbahduh u la ong ba ka jingpynkylla ka dei ka jingtreikam kaba \u00efai bteng, bad katba ki por ki nang kylla bad ki jingdonkam jong ka ri ki nang kiew, ki jingpynkylla ba thymmai ki long kiba donkam kumjuh. U la ban jur ba da kaba buh ha ka jingmut \u00efa ki jingdonkam ba mynta bad ki jingangnud jong ka ri ia ka lawei, la pyntreikam \u00efa kine ki jingpynkylla thymmai \u00efa ka GST. U Modi u la pynpaw ba hapoh ka rukom treikam kaba thymmai, tang 5% bad 18% ki tax slab kin sah. Kane, u la ong, ka mut ba bunsien ki tiar ba pyndonkam man ka sngi kin sa kham duna dor. U la jer kyrteng ia ki mar bam, ki dawai, ka sabon, ki brut shut bniat, toothpaste, ka health bad life insurance napdeng ki mar bad ki jingshakri kiba bun ki ban long kiba lait khajna ne kiba lah ban khring tang 5% ka khajna. U Myntri Rangbahduh u la ong shuh shuh ba na ki mar kiba la ju siew khajna mynshuwa ha ka dor 12%, 99%\u2014la jan baroh\u2014mynta la pynrung hapoh ka khajna 5%.
\nDa kaba pynpaw ba ha kine ki khatwei snem ba la dep, 25 klur ngut ki nong India ki la lait na ka jingduk bad ki la paw kum ka bynta ba kongsan jong ki briew kiba dang shu kot sha ka ioh ka kot kaba pdeng ha ka jingkiew jong ka ri, u Myntri Rangbah duh u la ban jur ba kine ki briew kiba dang shu kiew sha ka ioh ka kot kaba pdeng ki don la ki jong ki jingangnud bad ki jingthrang. U la ong ba mynta u snem, ka sorkar ka la ai sngewbha \u00efa ka jingpynlait khajna da kaba pynlong \u00efa ka jing\u00efohnong haduh T.12 lak khlem khajna, kaba wanrah \u00efa ka jingsuk kaba khraw \u00efa ki briew kiba pdeng ka ioh ka kot. U Modi u la ong ba mynta ka la dei ka por jong kiba duk bad kiba dang shu kiew sha ka ioh ka kot kaba pdeng ban ioh jingmyntoi. U la ong ba ki ioh ia ka jingmyntoi arsien\u2014nyngkong lyngba ka jingpynlait na ka khajna kamai kajih, bad mynta lyngba ka jingpynhiar ia ka GST. U Myntri Rangbahduh u la ong ba lyngba ka jingpynhiar dor \u00efa ka GST, ka jingpyndep \u00efa ki jingangnud shimet kan long kaba suk \u00efa ki nongshong shnong\u2014la ka long ban tei \u00efa ka \u00efing, ban thied \u00efa ka TV ne ka fridge, ne ban thied \u00efa ka scooter, ka bike, ne ka kali\u2014baroh mynta kin kham duna dor. U la bynrap ba ka jingleit jingwan ruh kan long kaba jem dor, namar la pynduna ia ka GST ha kiba bun ki hotel. U Modi u la pynpaw ka jingkmen halor ka jingiashim bynta shitrhem ki nongdie dukan ia ki jingpynkylla ia ka GST. U la ong ba ki dang trei shitom ban pynpoi ia ki jingmyntoi jong ka jingpynhiar ia ka GST sha ki nongthied. U Myntri Rangbahduh u la pynpaw ba ha kiba bun ki jaka, la buh ki board kiba pyni \u00efa ka jing\u00efanujor ia ki dor\u2014shwa bad hadien ki jingpynkylla.
\nDa kaba ban jur ba ka mantra jong ka \u2018Nagarik Devobhava\u2019 ka paw shai ha ki jingpynkylla ba thymmai ha ka GST, u Myntri Rangbah duh u la pynpaw ba haba pyn\u00efasoh lang \u00efa ka jingpynlait na ka khajna kamai kajih bad ka jingpynhiar \u00efa ka GST, ki rai ba la shim ha u snem ba la dep kin wanrah \u00efa ka jingkynshew pisa kaba palat \u00efa ka T.2.5 lak klur na ka bynta ki briew jong ka India. U la pynskhem ba dei thik na kane ka daw ba u khot ia ka \u2018Bachat Utsav\u2019.
\nDa kaba ban jur ban pynurlong \u00efa ka thong jong ka India kaba la kiew ka donkam \u00efa ka jingaiti kaba khlem artatien ha ka lynti jong ka jinglah ban kyrshan dalade, u Modi u la ong ba ka jingkitkhlieh kaba khraw haba pynlong \u00efa ka India kaba lah ban kyrshan dalade ka shong ha ki MSME\u2014ki karkhana barit jong ka India. U la pynskhem ba kano kano kaba iadei bad ka jingdonkam jong ki paidbah bad kaba lah ban shna hapoh ka ri dei ban pynmih hapoh ka ri.
\nDa kaba pynpaw ba ka jingpynhiar dor \u00efa ka GST bad ka jingpynsuk \u00efa ki rukom treikam kan ai jingmyntoi shibun \u00efa ki MSME, ki karkhana rit jong ka India, u Myntri Rangbah duh u la ong ba kine ki jingpynkylla kin kyntiew \u00efa ka jingdie jong ki bad pynduna \u00efa ka jingban khia ka khajna jong ki, kaba wanrah \u00efa ka jingmyntoi kaba ar shah. U la pynpaw \u00efa ka jingkhmih lynti kaba khraw na ki MSME bad u la pynpaw \u00efa ka bynta ba kongsan jong ki kum u budlum jong ka \u00efoh ka kot jong ka India ha ka por ba ka dang kiew bha. U la ong ba ka jingshna bad ka jingbha jong ki mar jong ka India shisien ka la long kaba la ithuh ha ka pyrthei bad kaba kham bha. U Modi u la ban jur ia ka jingdonkam ban ioh biang ia kata ka burom, da kaba kyntu ba ki mar ba la shna da ki karkhana rit ki dei ban iahap bad ki kyndon jong ka pyrthei. U la pynpaw ba ka jingshna mar jong ka India ka dei ban palat \u00efa baroh ki jingthew da ka burom bad ka jingtbit, bad ba ka jingbha jong ki mar jong ka India ka dei ban kyntiew \u00efa ka jinglong bad burom jong ka ri ha ka pyrthei. U Myntri Rangbahduh u la khot ia baroh kito kiba don bynta ha ka kam ban trei da kaba buh ha ka jingmut ia kane ka thong.
\nU Myntri Rangbahduh u la ong ba kumba ka mantra jong ka Swadeshi ka la pynkupbor \u00efa ka jing\u00efaleh laitluid jong ka India, kumjuh ruh kan pynkhlai\u00f1 \u00efa ka jing\u00efaid lynti jong ka ri sha ka roi ka par. U la pynpaw ba bun ki tiar bar ri khlem da tip ki la kylla long shi bynta jong ka jingim ba man ka sngi, bad ki nongshong shnong bunsien kim sngewthuh wat la ka snad kaba don ha ka pla jong ki kadei nabar ri ne na ka ri. U Modi u la ban jur \u00efa ka jingdonkam ban pynlait \u00efalade na kum kane ka jingshaniah bad kyntu \u00efa ki briew ban thied \u00efa ki mar kiba la shna ha India, kaba dap da ka jingtrei shitom bad ka umsyep jong ki samla jong ka ri. U la kyntu ia kawei pa kawei ka longiing ban long kum ka dak jong ka Swadeshi bad ban pynitynnad ia kawei pa kawei ka dukan da ki tiar napoh ka ri. U Myntri Rangbah duh u la pynshlur \u00efa ki nongshong shnong ban pynbna da ka jingsngew sarong \u00efa ka jingkut jingmut jong ki \u00efa ka Swadeshi\u2014 \u201cNga thied Swadeshi,\u201d \u201cNga die Swadeshi\u201d\u2014bad u la ong ba kane ka jingmut jingpyrkhat ka dei ban long kaba don ha uwei pa uwei u nong India. U la pynskhem ba kum kane ka jingkylla kan pynsted ia ka roi ka par jong ka India. U la kyrpad ia baroh ki sorkar jylla ban kyrshan tyngeh ia ki campaign Aatmanirbhar Bharat bad Swadeshi da kaba kyntiew ia ki kam shna tiar ha ki thain jong ki kaba dap da ka bor bad jingshitrhem, bad da kaba wanrah ia ka jinglong jingman kaba biang na ka bynta ka jingbei tyngka. U la pynskhem ba ynda ka sorkar pdeng bad ki jylla ki iaid lang shakhmat, ka jingangnud ia ka India kaba lah ban kyrshan dalade kan urlong, man la ka jylla kan kiew, bad ka India kan long ka ri kaba la kiew shaphrang. Haba pynkut \u00efa ka jingkren jong u, u Myntri Rangbahduh u la ai ka jingkitbok kitrwiang na ka bynta ka GST Bachat Utsav bad ka Navratri.<\/p>\n","protected":false},"excerpt":{"rendered":"
PIB Delhi: U Myntri Rangbahduh ka ri Narendra Modi u la ai jingkren sha ka ri lyngba ka video conferencing mynta ka sngi. Haba ai khublei ia baroh ki nongshong shnong ha ka jingsdang jong ka Navratri, ka jinglehkmen ban mane \u00efa ka Shakti, u la ong ba naduh ka sngi nyngkong jong ka Navratri, […]<\/p>\n","protected":false},"author":2,"featured_media":1631,"comment_status":"open","ping_status":"open","sticky":false,"template":"","format":"standard","meta":[],"categories":[56,62,79,55],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/7598"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=7598"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/7598\/revisions"}],"predecessor-version":[{"id":7599,"href":"https:\/\/unongaiktien.com\/index.php\/wp-json\/wp\/v2\/posts\/7598\/revisions\/7599"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/1631"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=7598"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=7598"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=7598"}],"curies":[{"name":"wp","href":"https:\/\/api.w.org\/{rel}","templated":true}]}}