\nMynta ka sngi ka 21 tarik Naitung 2025, u myntri ka tnad pynroi nongkyndong u AT Mondal ryngkat u MLA ka thain uba dei ruh u myntri, bah AL Hek kila hap ban leit phai noh na katei ka jaka, hadien ba ki paidbah kim shah hi tdot ba kin plie namar ba kila dawa ba dei ban pyntreikam shwa ia ka jingsiew kaba don burom ia ki nongtrei bylla ne casual kiba trei ha katei ka Block kiba dei na ka shnong Mawpat.
\nKane ka jingpulom kane ka prokram kaba la pynbeit ka sorkar, ka long ka jingshah pynlehrain hakhmat ka pyrthei.
\nU Myntri ba khmih \u00efa ka kam Pynroi Nongkyndong u AT Mondal u la ong ba ka jingplie \u00efa ka ophis jong ka Block ha Mawpat ka dei na ka bynta ka jingmyntoi ki paidbah, bad lada ki paidbah kim sngewtynnat kam don jingmut ban \u00efaleh pyrshah.
\nU la ong ba kam don jingeh ban plie \u00efa katei ka shlem treikam ha kano kano ka por yn la pynbeit \u00efa ki kynrum kynram.
\n
![\"\"](\"http:\/\/unongaiktien.com\/wp-content\/uploads\/2025\/07\/Mawpat.jpg\")
Katba u MLA ka thain uba dei ruh u myntri, u Bah A L Hek u la ong ba kam shym la don satia kano kano ka jingpyntip ha kaba \u00efadei bad ka jingsiew lane ka jingbym ai \u00efa ka minimum wages \u00efa kiba trei ha ophis jong ka Block.\nU la kam u la ioh jingtip tang ha ka Sngi Saitjai\u00f1 da ka WhatsApp. U la ong ba lada dei ba ka shnong ka leit \u00efakynduh ban \u00efakren tang shisngi arsngi shwa ruh, un don ryngkat beit bad ka shnong namar u tip \u00efa ka jingdonkam ka shnong bad u kwah ban \u00efatreilang.
\n Ha kawei ka liang, u Rangbah Shnong ka Mawpat u bah Juda Wahlang ula ong ba ka shnong ka la dep ai jingthoh halor kane sha ka tnad Community and Rural Development bad la ai kopi ruh sha u myntri ka tnad C&RD bad kumjuh sha u bah AL Hek ha kane ka taiew kaba la dep.
\nUla ong ba katkum ka jingiateh soskular bad ka sorkar ha u snem 2017, ka shnong Mawpat ka la ai sngewbha ia ka jaka kaba heh 3 akar sha ka sorkar ba kan tei ia ka ophis ka Block bad ba ka sorkar kan pyrkhat kham kyrpang ban ai kam ia ki trai shnong kiba rit ne Grade IV hynrei kam mut ban ai lut tang ia ki samla ka Mawpat namar ba ka ain kam iahap hi ban leh kumta.
\nKi don 4 ngut ki nongtrei bylla ne casual ha ki kam barit ne Grade IV na shnong Mawpat kiba la trei la 6-7 snem mynta ha Block hynrei ka jingsiew pat ka long tang kum ka bai shun, kaba long tang kumba 5-6 hajar shi bnai. Kumta, kum ka shnong ka kyrpad ia ka sorkar ba kan siew kaba don burom ia ki, katkum ka dor bylla kaba la buh ka sorkar ne ka minimum wage bad ban ia ka jingshngan ha ka kam jongki, hynrei namar ba ka sorkar kam sngap, kum ka shnong kam lah ban shu sngap bad ka hap ban pyni da ka sur jong u paidbah, ban ym shah plie ia ka ophis thymmai tad haduh ba ka sorkar kan pynthikna ia ka jingdawa.<\/p>\n","protected":false},"excerpt":{"rendered":"