SHILLONG:Ka Ramakrishna Mission Vivekananda Cultural Centre (RKMVCC), Shillong mynta ka sngi, ka la rakhe ia ka sngi seng jong ka, kaba kynmaw burom ia ka lyngkhuh ba 124 snem ka jingwan jngoh u Swami Vivekananda ia kane ka nongbah ha ka 27 tarik Iaiong. Namar ba ka tarik rakhe ka hap ha ka Sngi U Trai mynta u snem, la pynlong \u00efa ki jingrakhe ba iphuh iphieng mynta ka sngi, ka 28 tarik u Iaiong. Khnang ban pynbiang ia ka jingiashim bynta shitrhem jong palat ar hajar ngut ki samla pule, la pynlong ia kane ka jinglehkmen ha ki ar bynta, ha ka por mynstep bad janmiet.
\nKa jingialang kaba mynstep ka la sdang ha ka por 10:00 baje da ka jingbuh syntiew don burom ia u Swami Vivekananda. Ki riew pawkhmat ba kynthup \u00efa u Kongsan, Bah Wanshai Shynret, Deputy Director ka North Eastern Institute of Ayurveda and Homeopathy (NEIAH), Shillong; u symbud kongsan, u Swami Jnanalokanandaji Maharaj, u Monk rangbah na ka Ancestral House and Cultural Centre jong ka Ramakrishna Mission Swami Vivekananda, Kolkata; bad u Swami Hitakamananda, Secretary jong ka Ramakrishna Mission, Shillong, ki la iashim bynta ha kane ka jingpyndon burom.
\nHadien ka jingpynmeh ia ka sharak, u Swami Hitakamananda u la ai ia ka jingkren lamphrang. U la pynshlur \u00efa ki samla pule ban wad bniah \u00efa ki jinghikai jong u Swami Vivekananda na ka bynta ka jingioh mynsiem ban kot sha ka jingjop ha ka jingim bad u la \u00efaroh \u00efa ka jingaiti lut jong ki ban pule computer ryngkat bad kiwei kiwei ki jingpule jong ki.
\nHa ka jingai jingkren jong u, u Swami Jnanalokanandaji Maharaj u la pynshlur \u00efa ki samla pule ban tei \u00efa ka jinglong kaba khlai\u00f1 bad ban pynleit jingmut ha ka jingkyntiew \u00efalade. U la ban jur ia ka jingdonkam ban kyntiew ia ki bynta bapher bapher jong ka jingkiew shaphrang \u2013 ha ka mynsiem, ha ka jingmut jingpyrkhat, ha ka met, bad ha ka jingsngew \u2013 da kaba pyni ia kane ka rukom kaba bniah kum u shabi ban kot sha ka jingjop. U la iasam ia ki jingshemphang ha ki rukom kiba sah jingkynmaw ban iarap ia ka jingiaid lynti jong ki samla pule ha ka jingkiew shaphrang.
\nU Kongsan Bah Wanshai Shynret u la pynpaw ka burom kaba khraw \u00efa u Swami Vivekananda bad u la \u00efaroh ruh \u00efa ka bynta ba kongsan jong ka RKMVCC ha ka jingshakri \u00efa ki samla. Haba pynkynmaw ia la ki por ba mynshuwa ba u la iaid lyngba ka jingsdang ia ka jingiadei jong u bad ki jaka pule jong ka Ramakrishna Mission, u la kyntu ia ki samla pule ban shim ia ki jinglong babha kumba la pynphriang da ka kynhun. U la ban jur ba ka jingjop kaba shisha kam shong tang ha ki kyrdan pule hynrei ha kaba kyntiew ia ka jinglong jong u nongshong shnong uba don ka jingkitkhlieh uba myntoi ia ka imlang sahlang bad ka ri.
\nKa bynta ba kyrpang jong ka jingialang ba mynstep kadei ka jingpyllait ia ka magazine kaba don lai tylli ki ktien “Ka Jingshai \u2013 The Light Jyoti” (Volume: 6 Issue: 1), kynthup ia ka e-zine version jong ka, da u Kongsan. Ha kane ka sngi la pynkup burom ia katto katne ki nongnoh synniang bad ki riewpawkhmat ba kynthup ia u Bah Rangkitbok C Dohkrut, Bah Vancuover Shullai, u nongdro ba pawnam Bah Rafael Warjri, bad Nongjop khusnam Padma Shri Kong Silbi Passah.
\nU Bah Aibanshngain Swer, Director, Meghalaya Basin Development Authority u la long u Kongsan na ka bynta ka jingialang ha ka por nohphai sngi. Ha ka jingai jingkren jong u, u la kdew ia ka jingeh bad ki lad ki lynti kiba ki iakynduh ha kaba pyniadei bad ki jingkylla ha ka ioh ka kot jong kane ka juk. U la iaroh ia ka bynta ba kongsan jong ka RKMVCC ha kaba pynkupbor ia ki briew kiba tbit ha ka computer, kaba pynlah ia ki ban pyniadei bad ka jingkiew jong ka India. Ban pynpaw ia ka jingdonkam jong ka jingaiti lut, u la kdew sha ka jingkren jong u Swami Vivekananda: \u201cshim ia kawei ka jingmut. Pynlong ia kata kawei ka jingmut kum ka jingim jong phi; phohsniew ia ka; pyrkhat ia ka; im ha kata ka jingmut. Ai ba ka jabieng, ka met, ki ksah, ki thied, kawei pa kawei ka bynta jong ka met jong phi kan dap da kata ka jingmut bad iehnoh ia kawei pat ki jingmut. Kane ka dei ka lad ban poi sha ka jingjop.\u201d
\nLa pynkup burom da ka khusnam Vivekananda Award of Excellence ia ka samla Rejoice Mary Diengdoh, Nonghikai Computer jong ka RKMVCC, kum ka jingithuh \u00efa ki jingnoh syn\u00f1iang ba kyrpang jong ka. Ka khusnam ka kynthup ia ka syrnot bad song pisa.
\nLa pyniphiuh iphieng ia baroh ar tylli ki jing\u00efalang da ki prokram kolshor kiba itynnad ba la pyni da kumba 100 ngut ki samla pule, kiba pyni \u00efa ki jinglong bapher bapher jong ka kolshor jong ka ri India, da kaba pynleit jingmut kyrpang ha ka thai\u00f1 shatei lammihngi jong ka ri India.
\nKa jingrakhe Foundation Day ka la lah ban pyniasoh lang ia ka jingkynmaw burom bad ka jingioh mynsiem, kaba la pynkhlain ia ka jingkut jingmut jong ka Ramakrishna Mission Vivekananda Cultural Centre ban kyntiew ia ki samla da kaba pynshong nongrim ha ki jingthmu ba iaineh jong u Swami Vivekananda.<\/p>\n","protected":false},"excerpt":{"rendered":"
SHILLONG:Ka Ramakrishna Mission Vivekananda Cultural Centre (RKMVCC), Shillong mynta ka sngi, ka la rakhe ia ka sngi seng jong ka, kaba kynmaw burom ia ka lyngkhuh ba 124 snem ka jingwan jngoh u Swami Vivekananda ia kane ka nongbah ha ka 27 tarik Iaiong. Namar ba ka tarik rakhe ka hap ha ka Sngi U […]<\/p>\n","protected":false},"author":2,"featured_media":6055,"comment_status":"open","ping_status":"open","sticky":false,"template":"","format":"standard","meta":[],"categories":[59,56,62,79],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/6054"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=6054"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/6054\/revisions"}],"predecessor-version":[{"id":6056,"href":"https:\/\/unongaiktien.com\/index.php\/wp-json\/wp\/v2\/posts\/6054\/revisions\/6056"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/6055"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=6054"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=6054"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=6054"}],"curies":[{"name":"wp","href":"https:\/\/api.w.org\/{rel}","templated":true}]}}