\nLa pynshongkun \u00efa kane ka jing\u00efalang da ka jingdon lang jong I Bah Vivek Syiem, Superintendent of Police, East Khasi Hills Distrik, ha ryngkat U Honorary Adviser jong ka VDP, ki ophisar ka Social Welfare, ki nongkitkam jong ka DREAM bad ki nongmihkhmat bapher bapher jong ka imlang sahlang, kynthup \u00efa ki Rangbah Shnong, ki Seng Longkmie, bad ki Seng Samla. Ki nongialam jong ki kynhun VDP bapher bapher na kylleng ka East Khasi Hills Distrik ruh ki la iashim bynta shitrhem ha kane ka jingialang.
\n \t
![\"\"](\"http:\/\/unongaiktien.com\/wp-content\/uploads\/2025\/03\/dream1.jpg\")
Kumba 80 ngut ki nongiashimbynta na ki shnong\/dong bapher-bapher bad ki VDP, ka jing\u00efalang ka la long kum ka rynsan ban \u00efamir jingmut kiba jur halor ki buit treikam bad ki jingpyrshang ban \u00efatreilang bad ban kyntiew \u00efa ka jingtreikam jong ki VDP ha kaban weng \u00efa ki jingeh kiba \u00efadei bad u drok bad ban wanrah ia ka jingshngai\u00f1 ha ki shnong ki thaw. Ki nongiashim bynta ki la iatai, iathir bad ai jingmut halor ki jingeh ba ki shem bad kumno ban wad lad, wad lynti ban teh lakam ia u Drok ha ki shnong ki thaw.\n \tKi jingiakren ki la pynpaw ia ka jingdonkam jong ka jingiashim bynta lang jong ki paidbah, ka jingiatreilang bad ki bor pynjari ain, bad ki jingpynsngewthuh paidbah ha kaba ialeh pyrshah ia ka jingdih drok.
\n \tU SP, Vivek Syiem u la \u00efaroh \u00efa ka jingpyrshang jong ki VDP bad ban pynkhlain ia ka jing\u00efatreilang kaba neh bad ki lad ki lyn\u019f kiba shimkhia ban \u00efada \u00efa ki dong jong ka Distrik bad khamtam ka nongbah Shillong.
\n \tKa jingpynkut kaba jop ia ka jingialang ka la pyni sa kawei pat ka mawjam ha ka jingiakhun pyrshah ia ka jingdih drok bad ki kam runar ha Shillong, da ka jingkut jingmut kaba thymmai na baroh ki nongshim bynta ban iatreilang na ka bynta ka imlang sahlang kaba kham shngain.<\/p>\n","protected":false},"excerpt":{"rendered":"