\n\tMynshwa katei ka jaka ka dei kaba ju mareh ki mrad ki mreng namar ba ka dei kaba long riat hynrei naduh u snem 2016 hadien ba ki briew jong katei ka shnong, kila pynkylla sha ka jaka jngohkai, ka la long pynban kaba khring ia ki paidbah kylleng namar ka jingitynnad ki sawdong jongka.
\n \tYm tang u Mawryngkhang hynrei, na lynter ter ter, ka don ka wah mru (wahrew) kaba khuid kaba lah ban sum ban sait, ka jingkieng ba la shna ka Tourism Promoter Trekking Society, Wahkhen. Kawei kaba paw bha, ka long ba ia kane ka jaka jngohkai, la tip ruh kum ka jingiaid kjat ha jingkieng siej ne Bamboo Trek namar bas hi linter ka lynti ban poi sha u Mawryngkhang, la shna da ki jingkieng siej, ki dieng ha kiba bun bah ki jaka.
\n\t
![\"\"](\"http:\/\/unongaiktien.com\/wp-content\/uploads\/2023\/09\/jingkieng1.jpg\")
Kawei ka jingkieng siej kaba khring bha ka dei ha riat Mawkhlieng, kaba jrong spah metre ha kaba mynshwa, ka dei ka jaka iaid ki shrieh hynrei mynta la iaid ki briew.\n\tHa lynti ban poi sha u Mawryngkhang ka don ka wah duid kaba khot ka wah Sin, kaba shngiam kaba sngur ban dih ruh.
\n\tU mawryngkhang ha ka Hima Khyrim, u la don ka khana puriskam bad ha syndah jong u, ka don ka lok kaba kyrteng ka khtiang, kaba u mawryngkhang u iada ha ka por ba u ialeh thma pyrshah bad u mawpator uba don sha shiliang ka wah um nup ka Hima Sohra. U Mawryngkhang u la jop thma pyrshah ia u Mawpator da kaba pyndkut ryndang.
\n\tKane ka jaka jngohkai, ka dei kaba la pynbha, shna, bad pynlut hi na ka Tourism Promoter Trekking Society khlem pat ioh jingiarap eiei na kino kino ki jingiarap na ka sorkar.
\n\t
![\"\"](\"http:\/\/unongaiktien.com\/wp-content\/uploads\/2023\/09\/jingkieng2.jpg\")
U Mawryngkhang ka mut u syiem ki maw bad katkum ka khana puriskam, ka la don ka thma hapdeng u Mawryngkhang uba don sha ka liang ka Hima Khyrim bad u Mawpator sha ka Hima Sohra mar shiliang ka wah umnup. Ha kane ka jingialeh thma, u Mawryngkhang uba shah ban siat shwa u Mawpator, u dkut shiliang ka kti ka mon bad haba la siat sa u Mawryngkhang, ka la dei na ryndang u Mawpator uba khlad syndon bad ka khlieh jong u, ka hap sha wah.\nKa khana ka sdang haba u Mawryngkhang u shong jingieid ia ka thei samla na kawei ka Hima kaba ka kyrteng ka Kthiang bad u Mawpator uba itynnad ia ka, u la thmu ban knieh hynrei kane ka la ialam shaduh ban ialeh thma hapdeng jongki, ban ioh ia kane ka thei samla ba bhabriew.
\nDei hadien ba la ialeh thma, ba u Mawryngkhang u la ioh ia ka Kthiang kaba ieid ia u.<\/p>\n","protected":false},"excerpt":{"rendered":"