SHILLONG (PIB Shillong): Ka Myntri Khynnah ba dei khmih ia ka tnat ka koit ka khiah, ka Dr. Bharati Pravin Pawar ka la poi ha nongbah Shillong dang shen ban peit ia ka rukom treikam ka tnat ka koit ka khiah bad ruh ia ki skhim ba iadei bad ka koit ka khiah ba bei tyngka ka Sorkar Pdeng ha Meghalaya.
\nKum shi bynta kane ka jingwan sha Meghalaya, ka Dr. Bharati Pravin Pawar ka la leit peit ruh ia ka NEIGRIHMS. Ka la pynlong ruh ka jingialang bad ki ophisar bad ki nongtrei jong ka NEIGRIHMS. Hadien kane, ka la pynlong ia ka jingialang ha ka jingdon ryngkat ka Myntri ba dei khmih ia ka tnat ka koit ka khiah jong ka Sorkar Meghalaya, ka Dr M Ampareen Lyngdoh bad ruh ki ophisar ka tnat ka koit ka khiah.
\n \tHa ka jingiakren bad ki lad pathai khubor hadien kine ki jingialang, ka Dr Pawar ka la ong ba ha kine ki khyndai snem ba la dep, ka Sorkar ka la pyrshang ban pynkhlain ia ki lad ai jingsumar. Ka la ong, \u201cKa jingthmu jong u Myntri Rangbah Duh ka dei ban pynkhlain ia baroh ki lad ai jingsumar lyngba ki skhim ka Sorkar Pdeng.\u201d Naduh u snem 2015, la mang tyngka shuh shuh ia ka NEIGRIHMS ba kan tei ia ka medical college, pynbun ia ki MBBS seat bad pynkhlain ia ka nursing college. Ka la iathuh ruh ba ha une u snem ban wan yn pynbun shuh shuh sa 50 tylli ki MBBS seat ha kane ka jaka pule bad kumta kin don 100 ngut ki samla pule MBBS. \u201cMan u snem ngi pynbiang pisa hapoh ki bynta bapher bapher ban pynkhlain ia ka NEIGRIHMS. Ha une u snem ba la dep, ka jingmang tyngka ka long 489 klur bad mynta u snem, ka jingmang tyngka ka long 528 klur.\u201d Ka la iaroh ia ki kam jong kane ka jaka pule ban pynkhlain ia ka radio therapy treatment unit bad kiwei kiwei ki jingai jingshakri. Ka la ong ruh ba ki jingpyrshang jong ka Sorkar Pdeng ki long ban pynkhlain ia kane ka jaka pule.
\n \tHa ka jingkren shaphang ka jingpyntreikam ia ki skhim lyngba ka National Health Mission, ka Dr Pawar ka la ong ba lyngba ka NHM, ka pisa ba la pynbiang ia ka Meghalaya mynta u snem ka long kumba 600 klur ha ka jingphiah kaba 90% na ka Sorkar Pdeng bad 10% na ka Sorkar Jylla. Ka la iathuh ruh ba hapoh ka Emergency Covid Relief Package-1, ka jingmang tyngka ba la ai ban tehlakam ia ka khlam ka long T 25 klur ia ka Meghalaya bad hapoh ka Emergency Covid Relief Package-2 la ai T 117 klur. Hapoh ka 15th Finance Commission, ka Sorkar Pdeng ka pynbiang T 150 klur ia ka Meghalaya ban pynkhlain ia ki Sub Centre bad ki Health and Wellness Centre. \u201cNgi dei ban peit bniah ia ka jingpynkhreh lypa bad ka jingiada kumba thmu u Myntri Rangbah Duh khnang ba ngin long kiba la khreh ia kano kano ka khlam kaba lah ban wan,\u201d ka la ong.
\nHa ka jingkren shaphang ka Pradhan Mantri Ayushman Bharat Health Infrastructure Mission, ka Myntri ka la ong ba lyngba kane ka skhim, ka Sorkar ka peit bniah ia ka jingpynkhlain ia ki lad ai jingsumar. Ka la ong ruh ba ha ka jingmang tyngka kumba T. 64, 000 klur ia ka ri baroh kawei, kumba T. 150 klur ka dei kaba la buh na ka bynta ka Meghalaya ha kine ki 4 snem ban wan.
\nHapoh ka Ayushman Bharat Digital Mission (ABDM) la shna kumba san lak tylli ki ID. \u201cKane ka iarap ia ki nongpang ba kin ioh ban iakynduh ia ki doctor, ba kin ioh ia ki kaiphod na ki lab lyngba ki lad digital bad kane ka iarap bha ia nongpang bad ki doctor ba kin shim ia ki rai kiba dei,\u201d ka la ong
\nHa ka Pradhan Mantri Jan Aarogya Yojana (PMJAY) Meghalaya, ki don kumba 18 lak ngut ki briew kiba ioh jingmyntoi bad la dep sam kumba 5 lak tylli ki card. Ka myntri ka la kyntu ia baroh kiba dei ban ioh ia kane ba kin wan shakhmat ban ioh jingmyntoi na ka PMJAY, kaba long ka skhim insurance kaba heh tam kaba ai jingiarap haduh T. 5 lakh ia man ka longiing kaba duk ha ka shi snem na ka bynta ka jingthiah hospital.
\nHaba kren shaphang ki Health Health & Wellness centre ka Myntri ka la ong, \u201cMynta jan 470 tylli ki Health & Wellness centre ki treikam ha jylla Meghalaya. Ka Health and Wellness centre kadei ka jingthmu ha kaba ngi phaikhmat ban leh ia ka jingeksamin bad ai ruh ia ka jingsumar. Ha ka Health & Wellness centre ngi leh ruh ia ka jingeksamin ia ka jingpang hypertension, jingpang shini bad ki jingpang cancer kum ka oral bad cervical cancer.\u201d
\nKa Myntri ka la ai jingiaroh ia ka sienjam jong ka sorkar Meghalaya ha ka jingpyntreikam ia ka tele-consultation ha ka Jylla haduh mynta. La shna ia ka Regional Cancer Centre ha NEIGRIHMS bad ka jingphaikhmat kalong ban ai jingsumar ia ki briew kiba pang cancer, ka la bynrap. Haba iaroh ia ki sienjam jong ki nongtrei ASHA, ka Dr Pawar ka la ong kumba 7000 ngut ki nongtrei ASHA ki ai jingshakri ha kaba iadei bad ki lad jingsumar sha ki jaka kiba jynjar ban poi jong ka jylla Meghalaya. Ka Myntri ka la iaroh ia ki sienjam jong ka sorkar jylla ban pynduna ka jingkhlad ki khunlung bad ki longkmie kiba dang pun khun lyngba ki lad bapher bapher.
\n \tKa Myntri ka la iaroh kyrpang ia ka sienjam ba thymmai ban pyndonkam ia ka teknoloji ba iadei bad ki drone ha ka jingpynpoi ia ki dawai sha ki jaka nongkyndong jong ka jylla Meghalaya. Ka Myntri ka la iaroh ruh ia ki sienjam ba la wanrah ban weng ia ka jingeh ba iadei bad ka jingkiew ka jingdon ki nongpang cancer lyngba ki prokram bapher bapher pyrshah ka jingpyndonkam ia u duma. Ka sorkar pdeng lyngba ki skhim jong ka, ka pynbiang pisa shuh shuh ban kyrshan ia ka jingpyntreikam ki jylla ia ki skhim bapher bapher ba iadei bad ka koit ka khiah, la bynrap ka Myntri.
\nHadien kane, ka Dr Pawar ka la iakynduh ruh ia u Lat ka jylla Meghalaya, u Phagu Chauhan bad u Myntri Rangbah ka jylla, u Conrad Sangma.
\nKa Myntri kan leit jngoh ruh ia ka East Jaintia Hills lashai ka sngi ban lum jingtip halor ka jingpyntreikam ia ki skhim bapher bapher jong ka sorkar pdeng.<\/p>\n","protected":false},"excerpt":{"rendered":"
SHILLONG (PIB Shillong): Ka Myntri Khynnah ba dei khmih ia ka tnat ka koit ka khiah, ka Dr. Bharati Pravin Pawar ka la poi ha nongbah Shillong dang shen ban peit ia ka rukom treikam ka tnat ka koit ka khiah bad ruh ia ki skhim ba iadei bad ka koit ka khiah ba bei […]<\/p>\n","protected":false},"author":2,"featured_media":1710,"comment_status":"open","ping_status":"open","sticky":false,"template":"","format":"standard","meta":[],"categories":[56,62,79,55],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/1709"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=1709"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/1709\/revisions"}],"predecessor-version":[{"id":1711,"href":"https:\/\/unongaiktien.com\/index.php\/wp-json\/wp\/v2\/posts\/1709\/revisions\/1711"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/1710"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=1709"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=1709"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=1709"}],"curies":[{"name":"wp","href":"https:\/\/api.w.org\/{rel}","templated":true}]}}