SHILLONG (PIB Delhi): U Myntri Rangbah Duh, u Narendra Modi u la iashim bynta lang bad ka kynhun ISRO lyngba ka Video Conferencing ban peit ia ka jinghiar jong ka Chandrayaan 3 ha ka sla khyndew jong u bnai mynta ka sngi. Mar syn hiar ka Chandrayaan 3, u Myntri Rangbah Duh u la ai jingkren ia kane ka kynhun bad u la kitbok kitrwiang ia ki na ka bynta kane ka jingjop kaba kyrpang.
\nU Myntri Rangbah Duh ha ka jingkren ia ka kynhun kum kiba haiing jong u, u la ong ba kum kine ki por kiba kyrpang ki sah shirta ha ka jingmut jingpyrkhat jong ka ri. \u201cKane ka por ka dei ka bym lah ban klet, ka bym pat ju jia. Ka dei ka por jong ka jingkhot jong ka \u2018Viksit Bharat\u2019, ka jingjop jong ka India, ka dei ka por jong ka jingjam ia ki jingjynjar bad ka jingiaid ha ka \u2018Chandrapath\u2019 jong ka jingjop. Kane ka dei ka por jong ka jinglah treikam jong 140 klur ngut ki briew bad ka jingskhem jingmut jong ka bor ba thymmai jong ka India. Kane ka dei ka por jong ka jingkhie ka jingriewspah jong ka India,\u201d la ong u Myntri Rangbah Duh ia ka ri baroh kawei. \u201cHa ka jingshai ba nyngkong jong ka \u2018Amrit Kaal\u2019, kane ka dei ka \u2018Amrit Varsha\u2019 jong ka jingjop\u201d u Myntri Rangbah Duh uba dap da ka jingkmen u la ong. U Myntri Rangbah Duh u la pynkynmaw ia ki ktien jong ki stad science da kaba ong \u201cKa India mynta ka don ha u bnai!\u201d U la ong ba ngi la iohi ia ka jingher kaba nyngkong jong ka India kaba thymmai.
\nU Myntri Rangbah Duh u la ong ba mynta u don ha Johannesburg ban iashim bynta ha ka BRICS Summit hynrei ki jingmut jingpyrkhat jong u ki don ha ka Chandrayaan 3 kumba long baroh ki briew jong ka India. U la ong ba baroh ki briew jong ka India ki rakhe ia kane ka sngi. U Myntri Rangbah Duh u la kitbok kitrwiang ia ka kynhun Chandrayaan, ISRO bad baroh ki stad science jong ka ri kiba la trei shitom da ki snem bad u la kitbok kitrwiang ruh ia ki 140 klur ngut ki briew jong ka ri ha kane ka sngi kaba dap da ka jingkmen!
\n\u201cKa India ka la poi sha ka South Pole jong u bnai kaba kiwei kiwei ki ri kim lah ban poi bad kane ka long namar ka jingtrei shitom bad ka jingtbit jong ki stad science jong ngi,\u201d la ong u Myntri Rangbah Duh. U la ong ba baroh ki khana tynrai shaphang u bnai mynta kin kylla bad ba kine ki khana mynta kin don ka jingmut kaba thymmai. U la kren shaphang ka khana tynrai jong ka India kaba ong ba ia ka pyrthei la khein kum ka \u2018Maa\u2019 bad ia u bnai la khein kum u \u2018Mama\u2019 bad u la ong ba ka don ka jingsngew ba u bnai u long uba jngai bad ba ki briew ki ju ong \u2018Chanda Mama dur ke\u2019, hynrei shen ki khynnah kin sa ong \u2018Chanda Mama ek tour ke\u2019 lane u bnai u long tang katto katne ka jingjngai.
\nHa ka jingkren ia ki briew jong ka pyrthei, u Myntri Rangbah Duh u la ong, \u201cKa jingjop jong ka India ha kane ka kam kam dei ka jingjop tang jong ka India. Une u dei u snem ba ka pyrthei ka iohi ia ka G-20 presidency jong ka India. Ka rukom treikam jong ngi halor ka nongrim \u2018Kawei ka Pyrthei, Kawei ka Longiing, Kawei ka Lawei\u2019 ka dei kaba sawa ha kylleng ka pyrthei. Ka moon mission jong ngi ruh ka don ha ka nongrim jong kane ka juh ka rukom treikam na ka bynta ka bha ka miat jong baroh ki briew. Kumta, ka jingjop ka dei jong baroh ki briew. Ka India kan iarap ia ki moon mission jong kiwei kiwei ki ri ha ki por ban wan,\u201d la ong u Modi. \u201cNga ngeit skhem ba baroh ki ri ha ka pyrthei ba kynthup ruh ia ki ri na ka thain shathie jong ka pyrthei ki lah ban leh ia kum kine ki kam. Baroh ngi lah ban don jingthmu ban poi sha u bnai bad kham sha jngai.\u201d
\nU Myntri Rangbah Duh u la ong ba u ngeit skhem ba ki jingjop jong ka Chandrayaan Maha Abhiyan kin rah ia ka jingher jong ka India sha palat u bnai. \u201cNgin peit ia ki jaka ba jngai tam jong ka solar system, bad ngin trei ban pynurlong ia ki lad jong ka universe na ka bynta ki briew,\u201d la ong u Modi. U Myntri Rangbah Duh u la kren shaphang ka jingbuh ia ki thong kiba heh ha ki por ban wan bad u la iathuh ba ka ISRO shen kan sdang ia ka \u2018Aditya L-1\u2019 mission ban peit bniah ia ka sngi. U la ong ruh ba u Venus u long kiwei na ki thong jong ka ISRO. \u201cKa India ka pyni man ka por ba ka suinbneng kam long u pud,\u201d la ong u Myntri Rangbah Duh da kaba kdew sha ka Mission Gaganyaan ha kaba ka India ka la khreh ban phah ia ki briew ha ka jingpynher liengsuin sha ka haw haw.
\nU Myntri Rangbah Duh u la ong ba ka science bad teknoloji ki long ka nongrim jong ka lawei kaba phyrnai jong ka ri. U la ong ba kane ka sngi kan ai mynsiem ia baroh ba ngin iaid sha kane ka lawei bad kan ialam lynti sha ka jingpynurlong ia ki jingthmu. \u201cKane ka sngi ka dei ka dak jong ka jingioh ia ka jingjop na ki jinghikai ba wan hadien ba la shahrem,\u201d la ong u Myntri Rangbah Duh da kaba kitbok kitrwiang ia ki stad science ha baroh ki kam jong ki ha ki por ban wan. <\/p>\n","protected":false},"excerpt":{"rendered":"
SHILLONG (PIB Delhi): U Myntri Rangbah Duh, u Narendra Modi u la iashim bynta lang bad ka kynhun ISRO lyngba ka Video Conferencing ban peit ia ka jinghiar jong ka Chandrayaan 3 ha ka sla khyndew jong u bnai mynta ka sngi. Mar syn hiar ka Chandrayaan 3, u Myntri Rangbah Duh u la ai […]<\/p>\n","protected":false},"author":2,"featured_media":1680,"comment_status":"open","ping_status":"open","sticky":false,"template":"","format":"standard","meta":[],"categories":[56,63,62,79],"tags":[],"_links":{"self":[{"href":"https:\/\/unongaiktien.com\/index.php\/wp-json\/wp\/v2\/posts\/1679"}],"collection":[{"href":"https:\/\/unongaiktien.com\/index.php\/wp-json\/wp\/v2\/posts"}],"about":[{"href":"https:\/\/unongaiktien.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/comments?post=1679"}],"version-history":[{"count":1,"href":"https:\/\/unongaiktien.com\/index.php\/wp-json\/wp\/v2\/posts\/1679\/revisions"}],"predecessor-version":[{"id":1681,"href":"https:\/\/unongaiktien.com\/index.php\/wp-json\/wp\/v2\/posts\/1679\/revisions\/1681"}],"wp:featuredmedia":[{"embeddable":true,"href":"https:\/\/unongaiktien.com\/index.php\/wp-json\/wp\/v2\/media\/1680"}],"wp:attachment":[{"href":"https:\/\/unongaiktien.com\/index.php\/wp-json\/wp\/v2\/media?parent=1679"}],"wp:term":[{"taxonomy":"category","embeddable":true,"href":"https:\/\/unongaiktien.com\/index.php\/wp-json\/wp\/v2\/categories?post=1679"},{"taxonomy":"post_tag","embeddable":true,"href":"https:\/\/unongaiktien.com\/index.php\/wp-json\/wp\/v2\/tags?post=1679"}],"curies":[{"name":"wp","href":"https:\/\/api.w.org\/{rel}","templated":true}]}}